Artea eta Txina 1989 ondoren: Munduaren antzerkia
Han dinastiako ontzi bat erortzen uzten, Ai Weiwei
Dragoia gora bidean: estralurtarrentzako proiektua, 2. zkia., Cai Guo-Qiang
Iruzkinak
Post-Sense Sensibility: Alien Bodies and Delusion (Postsentsazioaren sentiberatasuna: gorputz arrotzak eta eldarnioa). Erakusketa: Eusten zaila, Liu Wei (2016.262) + Beste leku batean, Yang Fudong (2016.263)
- Izenburua:
- Post-Sense Sensibility: Alien Bodies and Delusion (Postsentsazioaren sentiberatasuna: gorputz arrotzak eta eldarnioa). Erakusketa: Eusten zaila, Liu Wei (2016.262) + Beste leku batean, Yang Fudong (2016.263)
- Erakusketa:
- Artea eta Txina 1989 ondoren: Munduaren antzerkia
- Gaiak:
- Giza gorputza | Artea eta psikologia | Sentimenduak
- Artelan motak:
- Bideoartea | Performance
- Aipatutako artistak:
- Liu, Wei | Yang, Fudong
1990eko hamarkadaren amaieran, artista askok kolokan jarri zuten artearen esanahia, asetasun mediatikoa nagusi zen aro batean. 1999an, artista gazte talde batek Pekingo etxebizitza-eraikin arrunt bateko sotoa alokatu zuten, bertan erakusketa bat hartzeko asmoz. Postsentsazioaren sentiberatasuna: gorputz arrotzak eta eldarnioa zen erakusketaren izenburua.
Postsentsazioaren sentiberatasuna erakusketako arduradunen ustez, gehiegi intelektualizatutako arte kontzeptualak murriztu egin zuen erraietako erreakzio zirrarazkoak eragiteko arteak zuen gaitasuna. Euren hitzetan, “zentzumenak jo” eta “gogoa zirikatu” nahi zituzten. Hori lortzeko, arteak ahalmen fisiko hutsa izan behar zuen.
Gorputz atalen erabilera hura ez zen orduan Londresen artistek egiten zutenetik oso desberdina. Bretainia Handian, nolabaiteko “errealismo kontzeptuala” garatzen hasiak ziren artistak, erreakzio gisa minimalismo, posminimalismo eta kontzeptualismo mugimenduek berezkoa zuten araztasunaren aurrean, eta errealitate gordinean eta milurteko berriaren hirietako bizimoduaren errealitate psikologikoan sakondu nahian. Artista horiek ez zuten ikuslea aztoratzerako beldurrik, muturreko erresistentziazko ekintzetan gorputza erabili behar zutenean.
Erakusketa hartarako egindako bi artelan hemen daude ikusgai. Alde batetik, Eusten zaila ikus dezakegu, Liu Wei artistarena. Sei bideo-pantailek segidan jasotako irudiek gorputz biluziak erakusten dituzte, putzu baten tamainako leku batean itxita bihurritzen.
Eta beste aldetik, dokumental bat ere erakusten dugu, Yang Fudong artistaren Beste leku batean izeneko performanceari buruzkoa, non artista hiru hilabetez hitzik egin gabe egon zen.