Artea eta Txina 1989 ondoren: Munduaren antzerkia
Liburu estalki beltz, zuri eta grisa
Mendi izengabe bati metro bat eranstea, Zhang Huan (x2017.18)
Iruzkinak
Transferentzia-kasu bat, Xu Bing (x2016.10604)
- Izenburua:
- Transferentzia-kasu bat, Xu Bing (x2016.10604)
- Erakusketa:
- Artea eta Txina 1989 ondoren: Munduaren antzerkia
- Gaiak:
- Giza harremanak | Artea eta umorea | Kultura eta globalizazioa
- Artelan motak:
- Performance
- Aipatutako artistak:
- Xu, Bing
Xu Bing-en Transferentzia-kasu bat lana hasiera batean Madrilgo Museo Nacional Centro Arte Reina Sofía delakorako planifikatua zegoen. Performanceak bi zerri, arra eta emea, bizirik aurkezten zituen: arrak larruazal guztia zirriborroz estalia zuen, latinezko alfabetoaren hizkiez, eta emeak, berriz, asmatutako karakter txinatarrez marraztua zuen azala. Iraultza Kulturalaren garaian abere-haztegi batean hartu zuen eskarmentua baliatuta, arra emea estaltzen jarri zuen Xu-k, ikuskizunerako inguruan bildutako arte munduko ikusleak lotsatuta dibertiaraziz.
Transferentzia-kasu bat umorezko alegoria kulturala da: zerriak (arraza amerikar eta txinatar arteko hibridoak) Ekialde eta Mendebaldearen arteko topaketa kaotiko bat irudikatzen dute, erakusketa areto batean bat-batean antolatutako baserri batean. Suposizio asko eta aurrejuzku asko egiten ditugu Ekialdea zer den eta Mendebaldea zer den adierazten duten zeinuen inguruan. Zeinu txinatarrek eta ingelesek orain aspaldi dela ikasi genituen esanahi kulturalak eta botere egiturak adierazten dituzte. Zerrientzat, noski, zeinu horiek ez dute ezer adierazten: berez, zentzugabekeria dira. Natura primarioak agintea hartzen du eta gizakia hor geratzen da, bere buruari galdetzen: “Zertarako balio dit dakidanak? Desberdintasun kulturalak egiazkoak dira, geuk sortzen ditugu, edo boterearen interesek inposatzen dizkigute?”.
Xu Bing-ek lan honen inguruan ematen duen azalpena:
“Bi izaki hauek, giza-kontzientziarik gabeak, baina euren gorputzetan giza zibilizazioaren markak daramatzatela, ‘elkarren arteko harreman’ modurik primitiboena izan dute. Jardun honen izaera erabat zuzenak emaitza pentsaezina eskaintzen du eta, aldi berean, berari buruzko gogoeta merezi du. Bi zerrien portaera ikusteak giza portaeraren inguruko gogoeta egitera garamatza”.