Artea eta Txina 1989 ondoren: Munduaren antzerkia
Gonbidapena, Yan Lei eta Hong Hao
Gudu-zelaiko errealismoa: hemezortzi arhatak, Liu Xiaodong
Iruzkinak
Non metatzen da hautsa?, Xu Bing
- Izenburua:
- Non metatzen da hautsa?, Xu Bing
- Erakusketa:
- Artea eta Txina 1989 ondoren: Munduaren antzerkia
- Gaiak:
- Bizitza | Erbestea
- Mugimendu artistikoak:
- Arte Kontzeptuala
- Artelan motak:
- Instalazioa
- Aipatutako artistak:
- Xu, Bing
1989 ondoren, artista askok Txinatik alde egitera behartuta ikusi zuten euren burua, edo hori egitea aukeratu zuten. Xu Bing, Estatu Batuetara joana, “arte garaikide globala” deitutako fenomenoaren loraldian eginkizun garrantzitsua izan zutenetako bat izan zen. Arte molde hori mendebaldeko modernotasunaren irizpideetatik harantz mugitzen zen, eta era librean oinarritzen zen testu eta arte-molde ugaritan, tartean antzinako Txinakoetan ere bai.
2001eko irailaren 11n, Xu Bing bere estudioan lanean ari zela, Brooklyn-go Williamsburg auzoan, Dorre Bikien aurkako eraso terroristaren lekuko izan zen.
Irailaren 11 da, eta Manhattan Beherean Dorre Bikien aurkako erasoak izan ondoren, New York osoan eraiki ziren aldamio mota haietako baten gainean gaude. Xu Bing New Yorken bizi zen orduan, eta txikizioaren lekukoa izan zen, bere estudioko leihotik.
Gertaera lazgarri haren ondoren, hautsa bildu zuen Manhattan Behereko kaleetan. Une hartan, oraindik ez zekien zer egin nahi zuen harekin, baina sentitu zuen hainbeste galeren esanahia prozesatzeko modu bat behar zuela, XXI. mendearen hasierako urteak bizi izan zituztenentzat.
Xu Bing-ek budismoaren oinarrizko printzipio batera jo zuen: bizitzaren eta gorputzaren iragankortasuna, alegia. Non biltzen da hautsa? lana 2002an pentsatu eta handik bi urtera gauzatu zen, eta horretarako galeriako lurzoruan hedatu zuen Irailaren 11ren ondoren Manhattan Behereko hondakinen artean jasotako hautsa.
Ondoren, poema baten ahapaldi bat idatzi zuen bertan. VIII. mendearen amaierako Hui Neng zen poemaren egilea, txan budismoaren seigarren patriarka, eta honako hau esaten zuen: “Lehenengotik ezer geratzen ez denez, non biltzen da hautsa?”.
Xu Bing-ek gonbita luzatzen digu izugarrikeria haren aurrean bizitzak berez duen funtsik ezari errepara diezaiogun.