Artea eta Txina 1989 ondoren: Munduaren antzerkia
Bat-bateko erditzea, Chen Zhen
Brooklyngo zerua – Pekinen zulo bat egitea + Pekingo zerua, Wang Gongxin
Iruzkinak
Fu Dao/Fu Dao, Chen Zhen
- Izenburua:
- Fu Dao/Fu Dao, Chen Zhen
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta identitatea | Industrializazioa | Kontsumoa | Budismoa | Natura | Kultura eta globalizazioa
- Artelan motak:
- Instalazioa
- Aipatutako artistak:
- Chen, Zhen
1990eko hamarkadak kokapen zehatzeko instalazio-artearen loraldia ekarri zuen. Josef Beuys aurrendariak zabaldutako bidetik abiatutako artista gazteentzat erakargarria zen arte mota hori, bizimodu garaikidearen errealitate konplexua islatzen zuten material arruntekin eskala handiko artelanak egiteko modua eskaintzen zielako. Chen Zhen, Paris bizileku zuen artista, arte-mota horretako maisurik handienetakoa izan zen. Areto honetan haren bi instalazio poetiko erakusten dira, berehalako munduarekin era kritikoan elkar-eragiten dutenak.
Instalazio honek erreferentzia egiten dio tenplu budistetako pagoda oktogonalaren egiturari. Baina, bake-eremua izan beharrean, zabor industrialeko gune kaotiko batean sartzera gonbidatzen ditu bisitariak Chen-ek. Auto bateko atearen osagaiak, haizemaile elektriko bat, pachinko makina bat eta hainbat telebista egitura oktogonaletik zintzilik daude, eta gaineko teilatua banbu bizikoa da. Barnean, hainbat jainko budistaren irudiak azpikoz gora zintzilik daude, gauzak oso ondo ez doazelako iragarpen gisa. Asian, budismoak erakusten du onuragarria dela ez atxikitzea ondasun materialei, baina, errealitatearen hiru geruzetatik zein dira benetan betikoak? Erlijioa, materialismoa ala natura?
New Yorken, lan hau izan zen umeen begikoena.