Artea eta Txina 1989 ondoren: Munduaren antzerkia
Sarrera [aretoa]
RMB City: China Tracyren (Cao Fei izenaz ere ezagutzen da) Second Life hiri-planifikazio bat eta Zeinen utopia?, Cao Fei
Iruzkinak
Martxa luzea
- Izenburua:
- Martxa luzea
- Erakusketa:
- Artea eta Txina 1989 ondoren: Munduaren antzerkia
- Gaiak:
- Artea eta gizarte iraultza | Arte eta iraultza kulturala | Artearen demokratizazioa
- Artelan motak:
- Performance
- Aipatutako artistak:
- Lu, Jie
Lu Jie idazle eta arduradunaren iritziz, arte garaikidearen merkatua gainezka egoteak, alde batetik, eta bestetik, kulturaniztasunaren modak, artea bere eginkizun behinenetik atera zuten: jende arruntaren bizimodua eraldatzeko asmotik, alegia. Ideia hori Martxa Luzea delakotik atera zuen, hau da, Mao Zhedongek, kultura eragile erradikalik handienak, abiarazitako ekimenetik. 2000ko hamarkadaren hasieratik ekin zion Lu Jie-k komunitate txikien eta nazioarteko artisten arteko ehunka lankidetza gidatzeari, leku inprobisatuetan: lehenbizi Txinako landa-lurretan barna, Maok eta Armada Gorriak hogeita hamarreko hamarkadan egindako bideari segika, eta ondoren mundu osoko lekuetan. New Yorkeko kaleetan egindako performance hau da lankidetza haietako bat.
Lu Jie eta haren lagun artistek martxa isila eta atzeraka egindakoa gidatu zuten New Yorkeko kaleetan barna, amaiera Arte Modernoko Museoan eginez. Haien helburua abangoardismoaren idea eta, oro har, etorkizunera begirako aurrerabidea ezbaian jartzea zen. Ekintza sinple honek eguneroko bizipen bat magia handiko gauza bihurtzen du. Ondoren, Martxa Luzeko taldeak bere ikerketa eta erakusketa, tailer eta performanceen inguruko dokumentazioa sartu zituen iPad bidez iritsi daitekeen webgune batean.