Francis Bacon: Picassotik Velázquezera
Francis Bacon: Konposizioa (Irudia) [Composition (Figure)], 1933
Juan Gris: Eltzea (La casserole), 1919
Iruzkinak
Francis Bacon: Picassoren arabera, ‘Dantza’ (After Picasso, ‘La Danse’), 1933
- Izenburua:
- Francis Bacon: Picassoren arabera, ‘Dantza’ (After Picasso, ‘La Danse’), 1933
- Erakusketa:
- Francis Bacon: Picassotik Velázquezera
- Gaiak:
- Giza gorputza | Arte orientala | Artea eta erlijioa | Gurutziltzaketa | Artea eta emozioa | Eragin artistikoa | Sorkuntza artistikoa | Forma | Konposizioa | Espiritualtasuna | Sinbolismo erijiosoa | Emozioa
- Mugimendu artistikoak:
- Surrealismoa
- Teknikak:
- Ikatz-ziria | Klariona | Pastela | Tinta
- Artelan motak:
- Pintura
- Aipatutako artistak:
- Bacon, Francis | Picasso, Pablo
Obra honetan hiru irudi ikus daitezke, besoak zabalik dituztela. Erdikoaren isla, edo itzala, ezkerrekoaren gorputza da. Biak dirudite mendebaldeko tradizio erlijiosoetako gurutzefikatu klasikoen irudi eskematikoa: proportzio estilizatuak dituzte, eta hanka bat tolestuta dute oin bat bestearen gainean jarri ahal izateko. Ezkerraldekoaren oinak eta eskuak desitxuratuak daudela ematen du, sentitzen duen min agonikoa adierazteko.
Bestalde, eskuinaldean dagoen gorputza, proportzio txikiagoak dituena, forma koniko edo hiruki-forma hartzen du behealdean; derbitxe baten gona gogorarazten du, behin eta berriro jaso egiten dena sentimenduz beteriko dantza mistiko batean. Sentimendu hori eten egiten da goialdean, gorputz-atalak lotzen dituen marra marroian, gurutzearen zeharkako egurra gogora ekartzen duen horretan.
Gurutziltzaketaren gaia ikuspuntu erlijioso batetik landu beharrean, Bacon-ek artearen saminaren adierazpen gisa ulertzen zuen. Kontakizun erlijiosoen arabera, Kristok jasandako min fisikoak garbitu egiten du gizateriaren pekatu guztien dolorea. Baina Baconentzat, gurutziltzatuaren sufrimendua zen, hain zuzen ere, gizakiaren krudeltasunaren adibiderik garbiena, bere buruari eta besteei egiteko gai denarena. Horregatik, hori izan zen maizen jorratu zuen gaietako bat.
Krudeltasun eta larritasun horiek agerian gelditzen dira gurutziltzatua egiteko erabili dituen kolore urrietan. Aurpegirik margotu ez izana ere krudeltasun horren adierazgarri da, aurpegiek ematen baitiete gorputzei izaera. Samina denena da; guztiek partekatzen dugun zerbait. Irudiek sortarazten duten dantzaren dinamismoak aditzera ematen du zein azkar pasa daitekeen samina pertsona batetik bestera, amaiera gabeko mamu-dantza batean.
Artelan hau egiteko Bacon Picasso-ren 1925ko Hiru dantzariak obra hartu zuen inspirazio-iturritzat. Antzeko konposizioa darabilen arren, Baconek sinplifikatu egin zuen espazio-erreferentziak ezabatuz eta koloreen erabilera mugatuz.