Francis Bacon: Picassotik Velázquezera
Francis Bacon: Paisaia Malabatatik gertu, Tanger (Landscape near Malabata, Tangier), 1963
Ignacio Zuloaga: Kardinala, 1912
Iruzkinak
Greco: San Frantzisko otoitzean Gurutziltzatuaren aurrean, 1585 inguru
- Izenburua:
- Greco: San Frantzisko otoitzean Gurutziltzatuaren aurrean, 1585 inguru
- Erakusketa:
- Francis Bacon: Picassotik Velázquezera
- Gaiak:
- Giza gorputza | Heriotza | Artea eta erlijioa | Artea eta emozioa | Eragin artistikoa | Argia | Kolorea | Konposizioa | Sinbologia | Erlijio-margoa | Espiritualtasuna | Kristautasuna | Sinbolismo erijiosoa | Espainia | Introspekzioa | Bakardadea
- Mugimendu artistikoak:
- Errenazimentua
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis | Greco,
San Frantzisko Asiskoaren begitarte zorrotzak otoitzean kontzentratua dagoela adierazten du, begirada gurutzean finko duela. Esku mehe eta finak ditu, bular aldean jarrita gurutze forman, errukia adieraziz. Greco-k fedearen emozioa nabarmendu nahi izan zuen San Frantziskoren gorputzaren irudikapen estilizatuaren bitartez; baliabide hori ere sarritan erabili zuen beste santuen margoetan.
Gainera, haragiaren kolorea ez da errealista, haragi hilkorraren usteltzea gainditzen duen espiritualtasuna gogorarazteko: itzal gris eta urdinxkek argiztatutako haragi zatiekin kontrastea egiten dute, horiek arrosagoak baitira.
Elementu horiek guztiak Francis Bacon-en obran azaltzen dira, nahiz eta artistak zentzu sakon erlijioso horrez erantzi zituen, ilusiorik gabeko gizarte baten berezko larritasunaz kargatzeko. Baconek gorputz-atalak luzatzen eta desitxuratzen zituen eta ez zuen kolore oso errealistarik baliatzen; asmo zuen kontzeptu edo emozio abstraktu bat adieraztea, besteak beste, bakardadea, krudeltasuna edota baloreen falta.
Obra honetan, Grecok aszeta baten imajina tradizionala irudikatu zuen, ondasun materialei uko egin eta bakardadeari eta otoitzari eman zaion gizona. Horren erakusgarri dira San Frantziskoren arropa apalak eta natura hileko elementuak: gurutzeak Kristorenaganako fedea adierazten du, liburuak eskrituren azterketari egiten dio erreferentzia eta burezurrak garbitasunari, isiltasunari eta hausnarketari. San Frantzisko otoitzean dagoen lekuak ere zeresana dauka: meditaziorako bakarleku bat da, zehazki, Alverna mendiko leize-zulo bat. Santutegi bat eraikitzeko aukeratu zuen XIII. mende hasieran, bizitzako azken urteetan, Frantzisko Asiskoak.