Francis Bacon: Picassotik Velázquezera
Ignacio Zuloaga: Kardinala, 1912
Francis Bacon: Erretratu baterako estudioa (Study for a Portrait), 1953
Iruzkinak
Francis Bacon: Aita santua I (Pope I), 1951
- Izenburua:
- Francis Bacon: Aita santua I (Pope I), 1951
- Erakusketa:
- Francis Bacon: Picassotik Velázquezera
- Gaiak:
- Artea eta erlijioa | Eragin artistikoa | Argia | Forma | Geometria | Lerroa | Sinbologia | Erretratua eta autorretratua | Erlijioa | Emozioa | Boterea
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis | Velázquez, Diego
Diego Velázquez-en 1650eko Inozentzio X.a aita santuaren erretratua, Bacon-en hitzetan...
Inoiz egin diren erretraturik onenetarikoa da.[One of the greatest portraits that had ever been made.].
Bacon artista sevillarraren teknikak txunditzen zuen, trebezia ukaezina baitzuen koloreen erabileran eta ehunduren irudikapenetan besteak beste. Baina, bereziki, erretratatzen zuen pertsonaren izaera jasotzeko zuen abileziak liluratzen zuen. Bere erretratuak argazki on bat baino hobeak ziren: Velázquezek pertsonaiaren atzean ezkutatzen zen benetako izaeraren lekuko egiten gaitu.
Horregatik txunditzen zuen Bacon horrenbeste Inozentzio X.aren erretratuak. Eta horregatik landu zuen urteetan, serie zabalak eskainiz.
Hala ere, Velázquezek ñabardura txiki batean biltzen zuenak eta era sotil batean margotzen zuenak, Baconek edukiz beteriko keinu indartsuez eman zuen, aita santuari eskainitako sail askotan antzematen den bezala. Kasu honetan, esaterako, lehenengo planoko pintzelkaden bortizkeriak areagotu egiten du pertsonaiak transmititzen duen emozioa. Obra bakoitzean Baconek emozioen alderdi edota ñabarduren irudikapenarekin jolasten zuen.
Erretratu baterako estudioa obran bezala, artista britainiarrak boterearen eta bakardadearen irudia sortu zuen, baliabide antzekoak erabiliz: pertsonaia inguratzen duen egitura poliedrikoak isolamenduari egiten dio erreferentzia; podiumak, gainerakoekiko egoera pribilegiatuan; eta aulkiak, bere estatusa nabarmentzen du, soinean dituen arropak bezalaxe.
Espezialisten ustez, erretrataturiko pertsonaiaren ezaugarriek ez dute bat egiten Inozentzio X.arekin, Baconek obra hau margotu zuen garaian San Pedroko Katedran zegoen aita santuarekin baizik, Pio XII.arekin, hain zuzen ere.