Francis Bacon: Picassotik Velázquezera
Francis Bacon: Emakumea eserita (Seated Woman), 1961
Francis Bacon: Irudia etzanda ispiluan (Lying Figure in a Mirror), 1971
Iruzkinak
Francis Bacon: Triptikoa - Giza gorputzaren estudioak (Triptych - Studies of the Human Body), 1970
- Izenburua:
- Francis Bacon: Triptikoa - Giza gorputzaren estudioak (Triptych - Studies of the Human Body), 1970
- Erakusketa:
- Francis Bacon: Picassotik Velázquezera
- Gaiak:
- Emakumea artean | Giza gorputza | Pertsonaia mitologikoak | Artea eta emozioa | Eragin artistikoa | Bolumena | Forma | Kolorea | Konposizioa | Mugimendua | Sinbologia | Biluzia
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis
Bacon-ek askotan aukeratu zuen triptiko formatua: artistak tamaina handiko 33 triptiko margotu zituen, honako hau bezalakoak. Gurutziltzaketa baterako hiru estudio obran bezala, panelak bananduta daude. Hala ere, partekatutako elementuek erakusten dutenez, espazio bera irudikatzen dute.
Kasu guztietan atzealdea kolore lau eta monokromoz egina dago. Horrela, espazioaren ezeztapena iradokitzen du. Alabaina, zinta estu batean ezarrita daude figurak. Kokapenagatik, zinta berdina dela ematen du: Baconek objektu horren jarraitasuna proposatzen du existitzen ez zen espazio hori bitan banatzeko. Anbiguotasun horrekin jolasten du.
Panel bakoitzean biluzi bat agertzen da. Gai honekiko interesa izan arren, Baconek ez zuen ia inoiz naturalean lan egin; argazkiak erabili zituen erreferentzia gisa. Bere ibilbidearen lehenengo urteetan, bereziki, biluzi maskulinoak egin zituen. Baina 70eko hamarkadatik aurrera emakumeak ere irudikatzen hasi zen, obra honetan bezala. Hala ere, eskuinaldeko paneleko aurpegia behatzen badugu, Baconekin nolabaiteko antza somatuko dugu. Agertzen duen postura Nartzisok lakuan bere irudia begiztatzen zuenekoaren oso antzekoa da, Caravaggio-ren margolanean islatuta gelditu zen bezalaxe. Horregatik, pentsa daiteke artistari egindako aipamena izan zitekeela.
Baina deigarriena gorputzen lanketa da, jarrera oso behartuetan agertzen baitira, ezinezkoa urratuz. Horrek artistari abagunea eman zion gorputz-atalak eta muskuluak desitxuratzeko: bolumena azpimarratzeko itzul urdin eta gris sakonak margotu zituen haragi arrosan. Horrek guztiak agerian uzten du Baconek eskulturarekiko zuen interesa eta Michelangelo-rekiko zuen miresmena.