Francis Bacon: Picassotik Velázquezera
Francis Bacon: Picassoren arabera, ‘Dantza’ (After Picasso, ‘La Danse’), 1933
Henri de Toulouse-Lautrec: Batignollesen, 1888
Iruzkinak
Juan Gris: Eltzea (La casserole), 1919
- Izenburua:
- Juan Gris: Eltzea (La casserole), 1919
- Erakusketa:
- Francis Bacon: Picassotik Velázquezera
- Gaiak:
- Artea eta espazioa | Artea eta emozioa | Eragin artistikoa | Sorkuntza artistikoa | Bolumena | Espazioa | Forma | Kolorea | Natura hila | Espainia | Frantzia
- Mugimendu artistikoak:
- Kubismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis | Gris, Juan
Artelan honen egilea, Juan Gris, Kubismoaren ordezkari nagusienetako bat dugu. Lan egiteko modu berezia zuen eta hartara Kubismo Analitikoa eta Kubismo Sintetikoa gainditu zituen. Kubismo Analitikoa objektu baten plano ikusgarri guztiak bi dimentsiotan adierazten saiatzen zen. Kubismo Sintetikoak objektuak plano bakar batera sinplifikatzen zituen. Natura hil honetan, Grisen lanaren ezaugarri bereizgarrienak ikus ditzakegu.
Kubismoak ikuspegi klasikoen arauak ukatzen ditu, eta Grisek halaxe egin zuen artelan honetan: mahaia aurrez aurreko plano batean dago, ikuslearengandik hurbil.
Objektu bakoitzari ez dagokio forma lau bakarra, kolore bloke bakarra. Koloreek ez dituzte objektuak zehazten edota mugatzen: koloreak mihisean zehar kokatu zituen artistak, erritmo jakin bati jarraituz, dama-joko taula berezi bat osatuz joango balitz bezala; urdina zuriarekin eta beltzarekin tartekatu zituen, eta beltza horiarekin eta marroiarekin. Eta horien guztien artean, kolore plano motelduak ageri dira, eltzearen forma ganbila edo eta egunkari orrien gainjartzea iradokitzen dutenak.
Objektuen formak muturreraino sinplifikatuta daude, marra oker lodiak baino ez dira. Trazu sinple horiekin, artista gai da botila zehatz baten, pitxer edota eltze baten forma gogorarazteko. Juan Grisek “kenketaren metodoa” izendatu zuen prozesu hori.
Abstraktua dena zehazten saiatzen naiz... Cézanne-k botila bat zilindro bilakatzen du, baina ni zilindro batekin hasten naiz eta indibidualizazio berezi bat sortzen dut: botila bat sortzen dut —botila zehatz bat— zilindro batetik.
Tamalez, Bacon-en elkarrizketa pribatuak oso gutxitan eman dira argitara. Horregatik, Grisen lanarekiko zuen miresmena ez da bibliografia orokorrean bildu.
Kubismoa, hein batean, sortu zen eragatik ari da desegiten: errealitatea berriz islatzeko modurik ematen ez zuelako. Gris izan ezik; hobekien bizirauten duena da. Grisen teknika paregabeak ezin hobeto biziraun du.
Barroko espainiar pinturako natura hiletan bezala, Juan Grisek egindako objektuek denboraren joana eta bizitzaren iheskortasuna adierazten dute. Ikuspegi honek plazer txikien garrantzia eta hauskortasuna gogorarazten digute, egunkari batek edota sukaldeko tresnek sortarazi dezaketena.