Francis Bacon: Picassotik Velázquezera
Francis Bacon: Van Goghen erretratu baterako estudioa I (Study for a Portrait of Van Gogh I), 1956
Greco: San Frantzisko otoitzean Gurutziltzatuaren aurrean, 1585 inguru
Iruzkinak
Francis Bacon: Paisaia Malabatatik gertu, Tanger (Landscape near Malabata, Tangier), 1963
- Izenburua:
- Francis Bacon: Paisaia Malabatatik gertu, Tanger (Landscape near Malabata, Tangier), 1963
- Erakusketa:
- Francis Bacon: Picassotik Velázquezera
- Gaiak:
- Heriotza | Artea eta emozioa | Eragin artistikoa | Argia | Forma | Kolorea | Konposizioa | Sinbologia | Itsas paisaia | Afrika | Emozioa
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis
Pintzelkada gorrixka arinek forma ematen diote kostako haizeak astindutako eta urre koloreko hareaz inguratutako itsas paisaia honi. Malabata lurmuturretik gertu dagoen leku bat da, Tanger hiritik 10 kilometrotara dagoena. Kolore biziek, ia bortitzek, Afrika iparraldeko argi bizia nabarmentzen dute mihisean. Bacon-ek margotutako paisaia gutxietariko bat da. Ez da ausazko aukera edo hautu estetiko bat. Erretratuekin egiten zuen bezala, lotura emozional bat zuelako aukeratu zuen paisaia hori, Malabata.
Peter Lacy, Baconen bikotekidea izandakoa, Tangerreko erbesteratu-komunitateko kide izan zen bere azken urteetan. Artista, urtero, hara joaten zen uda igarotzera. Paisaia hori eta bertako argiak nolabaiteko eragina izan zuen aldi honetan margotu zituen obretako koloreetan. Lacy 1962ko maiatzean zendu zen, eta hain zuzen, Malabatan lurpera zezatela agindu zuen. Baconek telegrama baten bidez izan zuen Lacyren heriotzaren berri, Tate Galleryk artistari eskainitako atzera begirako erakusketa baten inaugurazio-egunean bertan.
Bere maitalea galdu izanaren minak eta itoaldi-sentimenduak itzal itxura hartu zuten lan honetan: paisaia barrena zabaldu eta berau aztoratuko dutela dirudi. Belztasunak inguratzen du paisaia, koadroaren heren bat, goialdekoa, eta beheko aldea hartzen du beltzak. Forma biribil bat osatzen du eta paisaia irentsi behar duela, hutsera eraman behar duela, ematen du. Artistak sarritan irudikatzen zuen horrela espazioa.