Francis Bacon: Picassotik Velázquezera
Auguste Rodin: Whistler Musa, modelo handia, 1908
Francis Bacon: Triptikoa - Giza gorputzaren estudioak (Triptych - Studies of the Human Body), 1970
Iruzkinak
Francis Bacon: Emakumea eserita (Seated Woman), 1961
- Izenburua:
- Francis Bacon: Emakumea eserita (Seated Woman), 1961
- Erakusketa:
- Francis Bacon: Picassotik Velázquezera
- Gaiak:
- Emakumea artean | Giza gorputza | Giza harremanak | Artea eta psikologia | Sorkuntza artistikoa | Forma | Kolorea | Konposizioa | Perspektiba | Sinbologia | Erretratua eta autorretratua | Londres | Muriel Belcher | Emozioa | Enpatia
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis
Erretratu bat margotu ahal izateko, teknika egokia hautatu behar da pertsonaren bihotz bizia mihisean islatzeko. Horregatik da hain liluragarria eta zaila erretratu bat margotzea (...). Modeloa haragi eta odolezkoa da, baina harrapatu behar dena, aldiz, aura da. [To paint a portrait, one must find an adequate technique to render the living heart of a person on the canvas. That is why it is so fascinating and so difficult to paint a portrait (…). The model is a thing of flesh and blood and what one must capture is the aura.].
Horrela lantzen zuen Francis Bacon-ek erretratua. Horregatik, artistak aukeratzen zituen modeloekin lotura emozional bat zuen, bereziki gertuko lagunak zituen. Hori da Muriel Belcher-en kasua. Azken hori Colony Room izeneko Londresko Soho auzoko taberna bateko jabea zen. Bertan, XX. mende erdialdeko artista, idazle eta intelektual ezagunenak biltzen ziren. Colony Roomi esker, harreman estu bat jaio zen bien artean, Murielen heriotza arte iraungo zuena, 1979 arte.
Baconek modeloak hain ondo ezagutzerakoan, horien izaeraren sakonena adierazteko gai zen. Kasu honetan, bere bi profilak aurrez aurre jarri zituen, Murielen izaera konplexua adierazteko eta bere askotariko alderdiak islatzeko. Sofan eserita agertzen da, deseroso baina orekan: beso batek tolestutako kontrako hanka jasotzen du; beste hanka eta beste besoa luzatuta daude. Horrek giharrak lantzeko aukera eman zion artistari, baita modeloaren izaera energikoari erreferentzia egiteko ere. Animalia uzkurtu bat bezala irudikatzean, zolitasun eite bat eman zion, eta aldi berean, pasio aire batez astindu zuen.
Eszenatokiari dagokionez, Baconek ez zituen elementu osagarririk erabili. Horrela, arreta guztia erretrataturiko pertsonari eskaintzera bultzatzen gaitu.