Francis Bacon: Picassotik Velázquezera
Francis Bacon: John Edwardsen erretraturako estudioa (‘Study for Portrait of John Edwards’), 1984 inguruan
Iruzkinak
Francis Bacon: Zezen baten estudioa (Study of a Bull), 1991
- Izenburua:
- Francis Bacon: Zezen baten estudioa (Study of a Bull), 1991
- Erakusketa:
- Francis Bacon: Picassotik Velázquezera
- Gaiak:
- Heriotza | Zezena | Artea eta emozioa | Eragin artistikoa | Espazioa | Kolorea | Konposizioa | Lerroa | Sinbologia | Tauromakia | Espainia
- Mugimendu artistikoak:
- Espresionismoa
- Teknikak:
- Aerosol | Olio-pintura
- Artelan motak:
- Pintura
- Aipatutako artistak:
- Bacon, Francis
1970eko hamarkadan hasi zen Bacon zezenketekin liluratzen. Eta ez da harritzekoa, Baconen obrak kultura-tradizio honek bezalaxe krudeltasuna azaltzen baitu: hilzoriko borroka bat da. Azken urteetan, artistaren obretan zezenak bereganatu zuen piztiaren irudia, animaliaren indarra irudikatzen zuena, eta Baconi zahartzaroan falta zitzaiona, alegia.
Lan honetako zezena anbiguoa da. Hil aurretik margotu zuen azken obra da, gaixo eta ahul zegoela. Azken urteetan osasun txarra izan zuen: 1989an tumore baten ondorioz giltzurrun bat kendu behar izan zioten. Hala ere, 1987an espainiar gazte jantzi bat ezagutu zuen eta harekin harreman kartsuaz gozatzekoa aukera izan zuen.
Zezena, laukizuzen beltzetik ateratzen dena, ondoko forma zurian desagertzen dela dirudi. Itxura ahula du. Ez dakigu hondarrera atera edo bertatik ihes egin nahi duen. Eta hala ere, argi dago zezentokia zapaltzen duen unetik bere patua idatzita dagoela.
Obra honetan, espazioaren deskribapen zirkularrak bat-batean zentzua hartzen du: zezen-plaza baten irudikapena da. Bukatugabeko itxura —mihisea zati handi batean biluzik dago—, artistaren egoerarengatik izan liteke, helburu estetiko bat izan beharrean. Baina adierazgarria da estudioan pilatutako hautsa erabili izana. Bacon bere gertuko heriotzaz hausnartzen zebilen.
1992ko apirilean, medikuaren aholkuei jarraitu gabe, bidaia bat egin zuen Madrilera. Hara iritsi eta egun gutxi batzuen buruan, osasunak okerrera egin zuen eta ospitaleratu egin behar izan zuten. Apirilaren 28an, bihotzekoak emanda hil zen, Siervas de Maríako bi lekaimeren konpainia soilean. Bere gorpuzkiak Espainian erraustu zituzten, eta bere nahiei jarraituz, ez zen mezarik ospatu bere arimaren oroimenean. Errautsak Ingalaterrara eraman zituzten, eta bertan ospakizun pribatu batean barreiatu zituzten.