Francis Bacon: Picassotik Velázquezera
Juan Gris: Eltzea (La casserole), 1919
Francis Bacon: Van Goghen erretratu baterako estudioa I (Study for a Portrait of Van Gogh I), 1956
Iruzkinak
Henri de Toulouse-Lautrec: Batignollesen, 1888
- Izenburua:
- Henri de Toulouse-Lautrec: Batignollesen, 1888
- Erakusketa:
- Francis Bacon: Picassotik Velázquezera
- Gaiak:
- Emakumea artean | Giza gorputza | Artea eta gizartea | Eragin artistikoa | Sorkuntza artistikoa | Espazioa | Kolorea | Erakusketak | Erretratua eta autorretratua | Hiri-eszenak | Prostituzioa | Herri-kultura | Paris
- Mugimendu artistikoak:
- Post-Inpresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis | Toulouse-Lautrec, Henri de
Batignolles Parisko auzo bat da, Montmartretik gertu dagoena. Bertan, 1860tik aurrera, inpresionisten belaunaldia osatu zuten margolari asko bizi ziren. Henri de Toulouse-Lautrec, urte haietan Pariseko gaueko bizitzaren kronistetariko bat, auzo honetatik gertuko parke batera joaten zen margotzera.
Batignolles da artelan honen eszenatokia. Hala ere, artelanaren izenburuan agertu arren, ez du kasik protagonismorik. Francis Bacon-en erretratuetan bezala, atzealdea bigarren mailako elementua bilakatzen da giza irudiaren presentziarekin. Eta, gainera, hemen ere ez da espazio osatzen duen elementurik antzematen. 1935ean Londreseko Tate Gallery museoko erakusketan jarri zutenean, Baconek artelan hau aztertu eta miretsi zuen.
Emakumeak gure arreta osoa hartzen du. Azaltzen duen jarrerak ez du zerikusirik garai hartako gizarte-klase altuetako emakumeek erakusten zituzten jokamolde finekin: apur bat makurtuta dago eta eite desafiatzailea du, kokotsa goratua eta begirada tinkoa. Gainera, bere eskuak pubis aldera daramatza. Horrela, badirudi bezero posible baten arreta bereganatu nahi duela: bere zerbitzuak eskaini nahi dizkiola. Ziurrenik prostituta bat da. Eta ez litzateke harritzekoa, izan ere, emakume horiek margolariaren lanetarako modelo gisa posatu ohi baitzuten.