Francis Bacon: Picassotik Velázquezera
Francis Bacon: Gilbert de Bottonen erretraturako estudioa (Study for Portrait of Gilbert de Botton), 1986
Francis Bacon: John Edwardsen erretraturako estudioa (‘Study for Portrait of John Edwards’), 1984 inguruan
Iruzkinak
Francis Bacon: Triptikoa (Triptych), 1987
- Izenburua:
- Francis Bacon: Triptikoa (Triptych), 1987
- Erakusketa:
- Francis Bacon: Picassotik Velázquezera
- Gaiak:
- Giza gorputza | Zezena | Artea eta emozioa | Eragin artistikoa | Espazioa | Forma | Kolorea | Konposizioa | Lerroa | Sinbologia | Biluzia
- Mugimendu artistikoak:
- Espresionismoa
- Teknikak:
- Aerosol | Olio-pintura | Pastela
- Artelan motak:
- Pintura
- Aipatutako artistak:
- Bacon, Francis | Velázquez, Diego
Azken urteetan, Bacon-ek ibilbide osoan zehazten joandako ezaugarrien sintesia egin zuen. Hala ere, adierazkortasun lasaiago batez landu zituen gaiak. Era honetako adierazkortasuna ikusi daiteke, esaterako, obra honek duen trataera piktorikoan: materia askoz arinagoa da eta ez dago ibilbide hasieran bereizgarri zituen trazu bortitzik.
Baconek bere ohiko formatu triptikoa erabili zuen, elementu komunak aurkezten dituzten hiru taula. Bakoitzean espazioa gela zirkular bat da, lurzorua grisa eta horma laranjak dituena. Baina laranja kolorearen uniformetasunak zalantzan jartzen gaitu: horma itxi bat al da, edo tonalitate horretako argiaz beteriko espazio ireki bat?
Protagonista irudia da. Ezkerraldean apal baten gainean etzanda dagoen gorputza, zauritua eta elbarria, lehenengo lanetako animalia zatikatuak gogorarazten dituzte. Erdiko gorputza, zutik, itxura zatikatua du, baina izaera aktiboa erakusten du, eskailera-maila batean gora doa eta. Eskuinaldean, zezen baten profila begiztatu daiteke. Azken urteetan Baconek zezenaren irudia bizitza-energiaren ikurtzat baliatu zuen.
Koadro honetako giza-irudiak hiru azalera laukizuzenen gainean pintatu zituen artistak. Margolanak edo ispiluak izan litezke. Margolanak badira, Baconek koadro bat koadroaren barruan irudikatuko zukeen; ispiluak badira, ikuslea ikusten ez dugun figuraren eta honen islaren artean kokatuko zukeen. Edonola ere, Velázquez-en obrari eta konposizioa taxutzeko trebetasunari egindako omenaldia dugu.