Francis Bacon: Picassotik Velázquezera
Francis Bacon: Aita santua I (Pope I), 1951
Francisco de Zurbarán: Gurutziltzatutako Kristo emaile batekin, 1640
Iruzkinak
Francis Bacon: Erretratu baterako estudioa (Study for a Portrait), 1953
- Izenburua:
- Francis Bacon: Erretratu baterako estudioa (Study for a Portrait), 1953
- Erakusketa:
- Francis Bacon: Picassotik Velázquezera
- Gaiak:
- Gizakia | Eragin artistikoa | Sorkuntza artistikoa | Bolumena | Espazioa | Forma | Kolorea | Lerroa | Sinbologia | Erretratua eta autorretratua | Indibidualismoa | Boterea
- Mugimendu artistikoak:
- Espresionismoa
- Teknikak:
- Olio-pintura
- Artelan motak:
- Pintura
- Aipatutako artistak:
- Bacon, Francis | Giacometti, Alberto | Velázquez, Diego
Obra honetan, Bacon-ek autoritate kontzeptuaren erretratu sinboliko bat egin zuen, ideia hau gogorarazten duten elementu batzuk erabiliz.
Pertsonaiaren itxurarekin hasiko gara: arraza zuriko gizona da, eta traje urdin ilun dotore bat darama. Goi-mailako exekutibo baten ohiko “uniformea” da, XX. mende erdialdean Europako gizarte elite ekonomikoek zeramatena.
Pertsonaiak azaltzen duen jarrera ere adierazgarria da. Erlaxatua dago, besoak besaulkian ezarrita dituela, eta hanka bat bestearen gainean gurutzatuta duela. Mespretxu keinu bat du, ezpainak muzinka estutuz eta kokotsa goratuz. Ikusleari zuzenean begiratzen dio, betaurrekoen goialdetik. Baconek sentsazio hori indartzeko ikuspegi baxu bat aukeratu zuen.
Artistak hautatutako koloreek ere autoritatearen ideia indartzen dute. Obra honetan urdin oso iluna da nagusi: atzealde zehaztugabea betetzen du, eta oihala edo gortinak oroitarazten ditu. Testuinguru horrek pertsonaiaren isolamendua azpimarratzen du, eta, era berean, hoztasun sentsazioa areagotzen du.
Atzealde zehaztugabeak Giacometti-ren obra dakar gogora. Pertsonaia kaiola egitura batean kokatua dagoela dirudi, nahiz eta, kasu honetan, marra zuri finek ez duten forma lau bat sortzen, prisma bat baizik, hiru dimentsiokoa. Honi buruz honako hau esan zuen Baconek:
Nik irudia kontzentratzen duten laukizuzen horietan pintatuz murrizten dut mihisearen eskala. Besterik gabe, hobeto ikusteko.[I cut down the scale of the canvas by drawing in these rectangles which concentrate the image down. Just to see it better]
“Kaiola”ren baliabide hori, horrelako konposizioa eta besaulkia erabiltzeak, urre koloreko elementuekin batera, Velázquezen Inozentzio X.a aita santuaren erretratuan oinarritutako lanak gogorarazten ditu. Urte horietan jada hasita zuen gai horren inguruko saila.