Pertzepzio aldakorrak: Guggenheim Museoaren Panza Bilduma
Sarrera [I]
Doug Wheeler — SA MI DW SM 2 75
Iruzkinak
Sarrera [II]
- Izenburua:
- Sarrera [II]
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artearen historia | Sorkuntza artistikoa | Geometria | AEB | Giuseppe Panza di Biumo
- Mugimendu artistikoak:
- Arte Abstraktua | Arte Garaikidea | Espresionismo Abstraktua | Minimalismoa
- Artelan motak:
- Eskultura | Pintura
- Aipatutako artistak:
- Morris, Robert
Giuseppe Panza Milanen jaio zen 1923an. Giuseppek zuzenbidea ikasi zuen eta negozioen munduan sartu zen, baina betidanik erakutsi du interes handia pentsamenduaren eta bere garaiko berritasunen aurrean. Panzak berrogeita hamarreko hamarkadaren erdialdera ekin zion artea biltzeari. Antoni Tàpies artista espainolaren eta Jean Fautrier frantsesaren obrak erosi zituen. Artista horiek intuizioa eta bat-batekotasuna azpimarratzen zuen estilo abstraktua lantzen ari ziren. Panza espresionista abstraktuen obrak erosten hasi zen baita ere, asko amerikarrak izanik, esaterako Franz Kline. Artista horiek “ekintza-pintore” izenez bataiatu zituzten, beren obrek kolore-orbanen eta pintura-zipriztinen bidez mugimendua eta indarra adierazten duelako.
Hirurogeiko hamarkadaren erdialdera, Panzak Robert Morris-en eta beste artista minimalista batzuen lana ezagutu zuen. Arte minimalistan pintura eta eskultura beren oinarrizko osagaietara murriztuta geratzen dira. Minimalismoak arte tradizionalaren errepresentazioa gaitzetsi zuen, eta abstrakzio geometrikoan oinarritutako irudi sinplearen alde agertu zen. 1991. urtean, Guggenheimek Panza Bildumaren zati handi bat erosi zuen eta hurrengo urtean Panzak bere obra asko dohaintzan utzi zizkion Museoari.
Panzaren izaera geldiezinari eta duen irizpide estetiko finari esker, bere bilduma Amerikako gerra osteko bilduma bikainenetakoen artean dago. Bilduma hau gertaera gogoangarria da artearen historian.