Pertzepzio aldakorrak: Guggenheim Museoaren Panza Bilduma
Giuseppe Irwin-i buruz hizketan
Michael Craig Martin minimalismoari buruz hizketan – “Testuinguruaren Artea”
Iruzkinak
Larry Bell — Titulurik gabea (Horma bertikalak)
- Izenburua:
- Larry Bell — Titulurik gabea (Horma bertikalak)
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Artea eta pertzepzioa | Eragin artistikoa | Sorkuntza artistikoa | Gainazala | Materiala
- Mugimendu artistikoak:
- Minimalismoa
- Artelan motak:
- Instalazioa
- Aipatutako artistak:
- Bell, Larry
Larry Bell artista iparramerikarrak koadroei markoak jartzen lan egin zuen garai batez tailer batean, eta aldi hartan beiraren kualitate islatzaileak ezagutu zituen. Eragin hori 70eko hamarkadaren hasierako obra honetan antzeman ahal izango dugu, akaso. Tamaina eta forma bera duten bi panel dira, bata bestearen ondoan jarriak eta angelu zuzen bat eratuz elkartuak. Obrak ez du beste ezeren laguntzarik behar. Bakarrik altxatzen da, ondo zehaztuta, soil eta monolitiko. Panel horiek galeriaren espazioa barne hartzen dute, alde bat zatika banatuz.
Instalazioaren inguruan ibili ahala, beran aldatu egiten da. Alde batetik zabalik dagoela dirudi, liburu baten orrialdeen antzera. Beste aldetik itxita agertzen da, kaxa baten antzera. Ezin da inondik ere bere osotasunean begiratu.
Eta panelak dirdiratsuak eta islatzaileak direnez, inguruan ibili ahala zure irudiaren eta bere atzean dagoen aretoaren isla ikusi ahal izango duzu. Horrek zure buruaz pentsatzera behartzen zaitu obrarekin, aretoarekin, bai eta gainerako bisitariekin dagokienez. Zure isla agertzean, obrak barne hartu egiten zaitu, bai eta aretoa ere, zabalduz eta ugalduz.
Bellek gainazal islatzaileek eta gardenek dituzten ahalbideak eta bien artean batetik bestera ibiltzean sortutako tentsioa aztertzen ditu. Hemen, berariazko prozesu bat erabili zuen beira metalezko partikulez estaltzeko eta, horrela, beren ispilu-gainazalak lortzeko. Horrek islakortasun- eta gardentasun-maila desberdinak sortzeko aukera eman zion. Bellek Kaliforniako hegoaldean lan egiten zuenez, bere obran toki hartako eragina antzematen dela esan izan da, eguzkiaren argi etengabea eta industria aeroespazialari dagozkion gainazal dirdiratsuak, alegia.
Erakusketa honetan aurkezten diren beste zenbait artistaren obrarekin bat etorriz, Bellen obra mugimendu minimalistari lotu ohi zaio.