Pertzepzio aldakorrak: Guggenheim Museoaren Panza Bilduma
Robert Ryman — Estandar
Donald Judd [haren obraren inguruan]
Iruzkinak
Donald Judd — Titulurik gabea
- Izenburua:
- Donald Judd — Titulurik gabea
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta industria | Artea eta espazioa | Artea eta pertzepzioa | Sorkuntza artistikoa | Gainazala | Kolorea | Lan-prozesua | Materiala
- Artelan motak:
- Eskultura | Pintura
- Aipatutako artistak:
- Judd, Donald
Donald Judd-ek 1973. urtean egin zuen obra honen aurrean berehala antzematen duguna hauxe da, zoruaren gainean datzala. Ez du plintorik, ez dago gugandik bereizita, gure espazioan dago, gure esperientzian sartzen da. Eta bere barrutik ikus daiteke; gardentasun horrek bertan sartzea erraza dela adierazten digu.
Pieza hau aldatu egiten da bere inguruan lekuz aldatu ahala, eta alderdi desberdinak uzten ditu agerian. Artistak planoak eta espazioak aztertzen dituen modua ikus daiteke. Bi materialez egina dago: plexiglas urdina eta letoia. Bi material horiek edertasun dotorea eskaintzen diote obrari: letoiaren berotasuna eta plexiglasaren urdin sakona. Metala izan arren, obra honek arintasun berezia du: ez zaio, eskultura tradizionalean bezala, masarik antzematen.
Juddek “berariazko objektuak” izena eman die obra hauei; “objektuak”, materialak ez daudelako ez diren zerbait adierazteko eginak, eta “berariazkoak”, metal-mota baten eta plastiko-mota baten konbinazioa direlako.
Judd pintore izateko prestatu zen, baina 60ko hamarkadaren erdialdera bere obrak fabriketan egiten zituzten, bere argibideei eta diagramei jarraituz. Erabiltzen zuen kolorea ez zen aplikatutako pinturarena, soilik materialek zuten kolorea baizik. Obraren burutzapenean trebetasunak garrantzi handia dauka beretzat: obrek akatsik gabeak izan behar dute, pitzadurarik gabe. Jakina, trebetasun hori Juddi baino gehiago, langile industrialei eta enkargatu zituen prozesuei eskertu behar zaie. Artista honentzat, muntaia ere prozesuaren ezinbesteko zati bat zen. Horrek eskatzen zuen doitasuna eta bukatutako produktuaren onespena, funtsezkoak ziren obran.