Pertzepzio aldakorrak: Guggenheim Museoaren Panza Bilduma
Robert Morris [haren obraren inguruan]
Richard Serra [artistak haren obraren definizio gisa idatzitako hitz-zerrenda]
Iruzkinak
Richard Serra — Gerrikoak
- Izenburua:
- Richard Serra — Gerrikoak
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Eragin artistikoa | Sorkuntza artistikoa | Lan-prozesua | Materiala | Jackson Pollock
- Mugimendu artistikoak:
- Espresionismo Abstraktua
- Artelan motak:
- Eskultura
- Aipatutako artistak:
- Serra, Richard
Richard Serra artista iparramerikarraren Gerrikoak eskultorearen aurreneko obretako bat da eta agerian uzten du ohi kanpoko materialen eta prozesuen azterketa.
Serrak interes handia erakutsi du grabitatearen inguruan. Kautxuzko gerriko hauek paretaren gainean jartzean, literalki marrazten ari da. Prozesu horren bidez, Serrak marrazkiaren eta eskulturaren arteko erlazioa aztertzen du. Gerrikoek, ausazko formak hartuz esekita, “globaltasun” gisa deskriba daitekeen sentsazioa sorrarazten dute: ikuspegi jarraia, bereizi gabea, hain zuzen ere Jackson Pollock-en espresionismo abstraktuaren pinturetan nabarmentzen dena bezalakoa. Pollocken mihise zipriztinduek eragina izan zuten Serrarengan, baina sorkuntza artistikoaren prozesuan azken emaitzan bezain besteko arreta jarri zuen. Egiteak edo ekiteak emaitzazko objektu artistikoak baino garrantzi handiagoa hartu zuen.
Serrak sinbolismorik ez duten obrak sortzen ditu, obrari buruzkoa ez den ezer baztertuz, ikuslearen esperientzia errealaren osagai izan nahi balu bezala, hemen eta orain izatearen esperientziaren zati, alegia. Izan ere, bere obrek kezka izugarria adierazten dute eskulturaren errealitate fisikoaz.
Serrak 1966 eta 1967 urte bitartean egin zituen Gerrikoak. Geroxeago, eskultura une hartan sortu behar zuen modua deskribatzen zuten aditz eta hitzen zerrenda bat bildu zuen, berez prozesua aztertzearren. Hitzok bere obraren definizioa dira.