Pertzepzio aldakorrak: Guggenheim Museoaren Panza Bilduma
Doug Wheeler — SA MI DW SM 2 75
Giuseppe Irwin-i buruz hizketan
Iruzkinak
Robert Irwin — Gris argi berde arrosa eta more koloreko diskoa
- Izenburua:
- Robert Irwin — Gris argi berde arrosa eta more koloreko diskoa
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Artea eta pertzepzioa | Argia | Kolorea | Materiala
- Mugimendu artistikoak:
- Arte Abstraktua
- Artelan motak:
- Pintura
- Aipatutako artistak:
- Irwin, Robert
60ko hamarkadaren hasieran, Robert Irwin-ek paisaje-pintura alde batera utzi eta pintura abstraktua egiteari ekin zion, “pintura bat ez pintatzeko egindako bere lehen saio arrakastatsua” berak zioen bezala. Hala, mihise konbentzionala erabat baztertu ondoren, galdera hau egin zion bere buruari:
“Nola pintatuko dut ertz batean hasi eta amaitzen ez den pintura bat, inguratzen duen espazioa edo ingurunea hartu eta bertan sartuko den pintura?”.
Honako hau bezalako obrak egin zituen, hau da, Kolore gris argi, berde, arrosa eta morea duen diskoa. Metalezko disko hau, gutxi gorabehera metro eta erdiko diametroa duena, paretatik ateratzen da eta flotatzen ari dela dirudi, diskoaren eta paretaren arteko ertza edo muga lausotuz. Diskoa nahiko konbexua da eta argia iristen zaio sabaitik eta zorutik, bere atzean dagoen paretaren gainean bereizita dauden lau itzal proiektatzen dituzten lau fokotatik. Diskoaren erdigunea ia paretaren kolore berekoa da, eta beste kolore batzuk erditik hedatzen dira espektro mailakatu fin batez. Diskoa espazioan flotatzen ari da, baina osotasun koherente bat osatzen du itzalen eta itzal horiek erortzen diren paretaren bidez.
Irwin artelan bat aurrean dugunean hartzen dugun jokabidea aldatzen saiatzen da, bere gainazal fisikoan arreta jarri beharrean, berari buruz dugun pertzepzioan pentsatzeko, hau da, nola begiratzen ari garen konturatu gaitezen, ez, ordea, zeri begiratzen diogun. Artistak honela adierazi zuen:
“Artista bat izatea ez da, inola ere, pinturak egitea. Gure benetako zeregina gure kontzientzia-maila eta pertzepzio-modua da”.
Irwinek argi zuzendua landu zuen, ukiezina den zerbait. Diskoa desmaterializatu egiten da; izan ere, argia da osagai aktibo bihurtzen dena. Irwinen obran ez da arte tradizionalaren errepresentaziorik antzematen; hala ere, perspektibari dagozkion trikimailuak eta amarruak berriro sortzen dira obra honen ilusio optikoan.