Pertzepzio aldakorrak: Guggenheim Museoaren Panza Bilduma
Richard Serra [artistak haren obraren definizio gisa idatzitako hitz-zerrenda]
Richard Serra [eskulturaren izaerak piztu zion interesaren gainean]
Iruzkinak
Richard Serra — Greba (Roberta-ri eta Rudy-ri)
- Izenburua:
- Richard Serra — Greba (Roberta-ri eta Rudy-ri)
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Artea eta pertzepzioa | Artea eta emozioa | Sorkuntza artistikoa | Materiala | Oreka | Pisua | Tamaina
- Artelan motak:
- Eskultura
- Aipatutako artistak:
- Serra, Richard
Hemen aurrean duguna 3 tonako altzairuzko xafla bat da, itxuraz badaezpadako oreka mantentzen duena, altxatzen den aretoko angelu bati soilik eutsita. Laguntzarik gabe zutik egoteko diseinatu zen, hau da, itsasgarririk, soldadurarik edo bridarik gabe eta, itxuraz behintzat, ez du euskarririk. Beraz, ukitu txiki batez gainean eroriko zaizula eta zapaldu egingo zaituela ematen du.
Richard Serraren Greba 60ko hamarkadaren bukaerakoa da, eta Serrak eskala handiko eskulturak —bere altzairuzko eskulturak— egiteari ekin zion garaia adierazten du. Serrak ez zuen eskultura hau grabitatearen legea hautsiz eraiki, grabitatea erabiliz baizik, berau landuz eta duen eragina zorrotz kalkulatuz.
Emaitza gisa, obraren ezaugarri fisikoak ezin dira bereizi begien aurrean dugunean eragiten digun pentsamenduetatik eta sentimenduetatik. Altzairuzko xaflaren pisu eta erortzeko ahalmen ikaragarriak saihestezina dirudi. Bere ekintzan ia fisikoki parte hartzera behartzen gaituela dirudi, edota bere ekintzaren mehatxuaren pean. Honela deskribatu zuen Serrak eskultura honen efektua:
“Esekitako animazio gisa, etendako mugimendu gisa diharduen obra honen pertzepzioak ez du geometria bezala kalkula daitekeen egia sorrarazten, presentziaren sentsazioa, denbora isolatua baizik”.
Obraren inguruan bazabiltza, planoa lerro bihurtzen den modua antzemango duzu.