Pertzepzio aldakorrak: Guggenheim Museoaren Panza Bilduma
Joseph Kosuth [haren obraren gainean]
Donald Judd — Titulurik gabea
Iruzkinak
Robert Ryman — Estandar
- Izenburua:
- Robert Ryman — Estandar
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta industria | Artea eta espazioa | Artea eta pertzepzioa | Argia | Gainazala | Kolorea | Lan-prozesua | Materiala | Giuseppe Panza di Biumo
- Artelan motak:
- Instalazioa | Kokapen zehatzerako artea | Pintura
- Aipatutako artistak:
- Ryman, Robert
Ryman-ek pintura zuria bakarrik erabiltzen du. Beste artista minimalista batzuek ez bezala, hau da, dauden material industrialak erabiltzen dituzten edota obra egiteko beste batzuei eskatzen dieten horiek ez bezala , Rymanek berak aplikatzen du pintura. Bere obran prozesua, pintzelkadak ikus ditzakegu.
Altzairuzko xaflen gaineko esmalte-pinturazko hamabi panel hauek Estandar dute izenburutzat. Rymanek bere buruari ezarri dizkion mugak dira atentzioa ematen diguten lehenengo gauza. Kolore desberdinak ikusiko ez ditugunez, beste ñabardura batzuk ikustera behartzen gaitu: egindura, pintzelaren trazua altzairuzko xaflen gainean eta argiak pinturaren gainazalarekin duen elkarrekintza. Beste faktore batzuk baztertzen dituenez, Rymanek beste modu batean antzemango ez genituzkeen gauzetan jartzen du bere arreta. Berehala konturatuko zara zuriak adierazteko duen ahalmen izugarriaz.
Rymanek horretarako panel bakar bat erabili beharrean, hamabi panel erabili ditu. Lehenbiziko begiratuan, panel bakoitzak beti berdina ematen du, gainazal bakoitza biluzik dagoela ematen duen bezalaxe, baina zenbat eta gehiago hurbildu, orduan eta agerikoagoak dira desberdintasunak. Obra hau jatorriz berariazko leku baterako egin zuen, nahiz eta hona aldatuta ikustean nekez jakin genezakeen. Hala eta guztiz ere, Rymanek obra hau areto berezi baten zati gisa imajinatu zuela jakiteak bere beste alderdi batzuk ezagutzera ematen dizkigu: panelen eta ingurunearen arteko elkarrekintzaz duen kontzientzia, alegia. Bilduma honetako artista askok ere egin izan dituzte berariazko lekuetarako obrak, Panza-k horretarako aukeratuak, interes handia agertu baitu beti espazioarekin lotura duen artearen aurrean. Italian, Vareseko egoitzako instalazioek, eta hemen aurkezten diren eta jatorriz bildumakoak diren obrek agerian uzten dute artelanak bere ingurunearekin duen erlazioaren aurrean erakutsi duen interes hori.