Pertzepzio aldakorrak: Guggenheim Museoaren Panza Bilduma
Sarrera [II]
Robert Irwin — Gris argi berde arrosa eta more koloreko diskoa
Iruzkinak
Doug Wheeler — SA MI DW SM 2 75
- Izenburua:
- Doug Wheeler — SA MI DW SM 2 75
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta denbora | Artea eta espazioa | Artea eta pertzepzioa | Sorkuntza artistikoa | Argia | Kolorea
- Artelan motak:
- Instalazioa
- Aipatutako artistak:
- Wheeler, Doug
Obra hau ingurune bat da. Bertan sartu behar duzu. Alfonbraz estalitako zona bat ikusiko duzu, eta aurretik oinetakoak ken ditzakezu.
Doug Wheeler-en instalazio honek nahita desorientatzeko izan daitekeela ematen du. Gure pertzepzioa, distantzia eta tamaina ulertzeko erreferentzia batzuk erabiltzen ditugun modua antzematera bultzatzen gaitu, bai eta objektuen ordez argia berez ikustera. Atarian, batek baino gehiagok horma trinko bat dagoela uste dute, edo zerbaiten gainean erortzeko beldur izaten dira, baina jarrai ezazu aurrera, hori baita zuk egitea espero dena. Baina, nahiago baduzu, aurrena azalpenak entzun ditzakezu.
Behin barruan zaudela, paretak eta zorua zuri matez pintatu dituztela eta pareta zoruarekin elkartzen duen lerro zehatzik ez dagoela konturatuko zara, gainazal biribilduak baizik. Ez dago erreferentzia-punturik eta zugan berehala izango duen efektua hauxe da, batek ez duela bere zentzumenetan fidatu behar. Horren emaitza, norbera bere buruaz jabetzea.
Obra hau biltzen duen giroaren argia bi iturritatik dator. Lanpara fluoreszente ultramoreek argi iraunkorra sortzen dute, eta aldi berean, bonbila halogeno batzuek sei minuturo gorabeherak izaten dituzte, eguerdiko eguzki-argi itsugarritik arrats argi leunera arte, hau da, egunargiaren ziklo naturala adierazten duen bertsio kondentsatu antzeko bat. Instalazioan sartzen zaren unean zikloak lortuko duen argi-mailak —dirdiratsua edo leuna—eragin nabarmena izan dezake obra honen aurrean erreakzionatuko duzun moduan.
Wheeler gure ingurunea hauteman, sentitu eta ulertzen dugun moduaz kezkatzen da, eta nabarmena da argiaren, bere ezaugarrien eta jokabidearen aurrean erakusten duen interesa. Obra hau argiari buruzkoa da, eta artistak guretzat ekarri eta manipulatzen du. Argia nabarmena izatea lortzen du, baina eguneroko munduari esker, ordea, gu mundu horretatik irtenaraziz, argiaren efektuetara gehiago hurbil gaitezen.