Pertzepzio aldakorrak: Guggenheim Museoaren Panza Bilduma
Larry Bell — Titulurik gabea (Horma bertikalak)
Robert Morris — Titulurik gabea (Triangelu itxurako labirintoa)
Iruzkinak
Michael Craig Martin minimalismoari buruz hizketan – “Testuinguruaren Artea”
- Izenburua:
- Michael Craig Martin minimalismoari buruz hizketan – “Testuinguruaren Artea”
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta industria | Artea eta espazioa | Artea eta pertzepzioa | Geometria | Kolorea | Materiala | Michael Craig Martin
- Mugimendu artistikoak:
- Minimalismoa
“Minimalismoak behatzaileak obra zehatz baten aurrean duen berehalako esperientzia pertsonalean bilatzen du artearen esanahia. Ez dago aldez aurreko beste esperientzia bati buruzko erreferentziarik (ez dago errepresentaziorik), ez du goi-mailako esperientzia-mailarik eskatzen (ez dago metafisikarik), ez du esperientzia intelektual sakonagorik agintzen (ez dago metaforarik). Horren ordez, minimalismoak neutraltasunez betetako objektuak aurkezten dizkio ikusleari: normalean objektu lerrozuzenak dira, material bat edo bi, kolore bat edo bi erabiltzen dituztenak, unitate berberak errepikatuta, fabrikatuta edo erosita erabiltzen dituztenak, interes-hierarkiarik ez duten objektuak dira, hartzen duten espazio bereziarekin zuzenean lotzen direnak, bien arteko elkarrekintza sortuz; objektu horiek guztia ematen dute ezagutzera beraiei buruz, ezer gutxi, ordea, artistari buruz; izan ere, objektu horien gaia ikuslea bera da.
Esperientzia zuzena hain nabarmen azpimarratzean, arte minimalistak errealitatearen izaerari buruzko adierazpen bat egiten du. Bere itxurazko sinpletasuna ikuspegi zorrotz baten emaitza da, distrakzioaren ezabapena, alegia. Ez da ez sinplea ezta hutsa, ez hotza ez iluna ere. Sakoneko esperientzia ezartzen du esperientzia arrunt batean”.