Pertzepzio aldakorrak: Guggenheim Museoaren Panza Bilduma
Robert Mangold — Gune arrosa neutroa
Jan Dibbets — Itsasgora
Iruzkinak
Lawrence Weiner — Behin eta berriz
- Izenburua:
- Lawrence Weiner — Behin eta berriz
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Artea eta pertzepzioa | Sorkuntza artistikoa | Komunikazioa
- Mugimendu artistikoak:
- Arte Kontzeptuala
- Artelan motak:
- Horma-pintura | Instalazioa
- Aipatutako artistak:
- Weiner, Lawrence
Lawrence Weiner aurrenetako artista kontzeptualetako bat izan zen, hau da, objektu artistikoaren ohiko asoziazioak gaitzesten zituzten eta asoziazio horien atzetik dagoen ideia azpimarratzea erabaki zutenetako bat.
1968an Weinerrek unibertsitate bateko zelai bati buruzko instalazio bat sortu zuen: listariz elkartutako hesola batzuk osatzen zuten obra. Ikasleek, belarrean eseri nahian, hesolak kendu zituzten eta Weiner estutu zuten esanaz obra besterik gabe hitzezko deskribapen bat izan zitekeela, hesolak berez ez zirela beharrezkoak. Orduantxe konturatu zen Weiner artelanaren funtsa testuala dela, eta ez fisikoa; hala itzuli zen hizkuntzara.
Beraz, Weiner aurrean duzun instalazio mural hau bezalako obrak sortu zituen. 1971n sortu zuen eta bere izenburua Behin eta berriz eta berriz eta berriz eta berriz da, errotulugile batek letra larriz pintatutako hitzak izanik. Weinerrek errotulazio-mota zehazten du, kasu honetan “Franklin gotiko extra” izenez ezagutzen dena. Hitzek nahita irekiak diren kontzeptuak iradokitzen dizkigute. Hemen, kontzeptua, argi eta garbi, errepikapena da, baina ez dakigu zer den errepikatzen dena, hitzak berak izan ezik, eta horrek geu ere asoziazioak egitera eramaten gaitu, nahi dugun edozein irudi sortzera, alegia. Eta horrek, era berean, esanahia finkatzeko eta komunikatzeko modu desberdinei buruz pentsarazten digu. Lengoaia gure artean komuna den zerbait da eta Weinerrek horrelaxe interpretatzen du. Honela dio artistak:
“Nire gauzak erosten dituzten pertsonek nahi duten lekura eraman ditzakete eta berriro eraiki ditzakete nahi badute. Oroimenean gordetzen badituzte, hori ere onar daiteke. Ez dituzte zertan erosi bereak izateko; ezagutzearekin bakarrik izan daitezke bereak”.