Pertzepzio aldakorrak: Guggenheim Museoaren Panza Bilduma
Hamish Fulton — Titulurik gabea (Islandia)
Brice Marden — La Solanako markesaren aburuz
Iruzkinak
Dan Flavin — Hesi artifiziala
- Izenburua:
- Dan Flavin — Hesi artifiziala
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta industria | Artea eta espazioa | Artea eta filosofia | Artea eta pertzepzioa | Eragin artistikoa | Sorkuntza artistikoa | Argia | Kolorea | Materiala
- Artelan motak:
- Eskultura | Instalazioa | Kokapen zehatzerako artea
- Aipatutako artistak:
- Flavin, Dan
Argi fluoreszente urdinez, gorriz eta urdinez eraikitako hesi artifiziala, Dan Flavin-ek 1968an sortua, tutu fluoreszentez egindako hesi bat da literalki, eta galeria honetako espazioa ebakitzeko instalatu da. Keinu bakar eta ikusgarri batean aretoan zehar luzatuz, hesi honek beste aldera mugitzea eragozten digu. Izan ere, besterik gabe ingura dezakegu edota bere gainetik ibili; ez baita benetako oztopo bat. Baina hesi honek ikusmenaren bidez non egon gaitezkeen zehazten du, eta hala, galeriaren espazioa ez ezik geroren espazioa ere definitzen du. Aldi berean, tutuetatik sortutako argiak eta koloreak ere eraldatzen dute galeria eta erakustoki honekin dugun esperientzian eragiten dute.
Obra honek Flavinek argiaren, kolorearen eta arkitekturaren arteko konbinazioetan duen interesa . Hau bezalako “hesiez” gain, “bazterrak” eta “korridoreak” izena eman zien obrak ere egin zituen, guztiak buruan zituen berariazko kokalekuetarako sortuak. Bere ikuspegia honela deskribatu zuen “erabaki inplizituen sekuentzia bat, helburua izanik pinturaren eta eskulturaren tradizioak arkitekturan konbinatzea, espazioa definitzen duten argi elektrikoaren ekintzekin hain zuzen”.
Flavin 60ko hamarkadaren hasieran hasi zen argi fluoreszentea erabiltzen. Tutu fluoreszente horiek produkzio industrialekoak eta kolore eta tamaina estandarretan fabrikatutakoak izanik, bere oinarrizko eraikuntza-elementu bihurtu ziren, eta ingurune espazialak pertzepzioaren bidez manipulatzeko erabili zituen. Bi metro eta erdiko luzera zuen urre-koloreko argi diagonal batekin hasi zen, eta “extasi pertsonalaren diagonala” izenez bataiatu zuen. Hasierako beste eskultura bat William de Ockham-i eskaini zion, XIV. mendeko filosofoari. Haren ustez errealitatea gauza zehatzetan bakarrik existitzen da. Flavinek gero eta konplikatuagoak ziren obrak produzitzen jarraitu zuen, baina ez zen inoiz aldendu berak aukeratutako baliabidetik, hau da, merkatuko tutu fluoreszente arrutan.