Pertzepzio aldakorrak: Guggenheim Museoaren Panza Bilduma
Carl Andre — Erorketa
Joseph Kosuth [haren obraren gainean]
Iruzkinak
Joseph Kosuth — Izenburua duena (Artea ideia bezala ideia bezala)
- Izenburua:
- Joseph Kosuth — Izenburua duena (Artea ideia bezala ideia bezala)
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta filosofia | Artea eta pertzepzioa | Eragin artistikoa | Sorkuntza artistikoa
- Mugimendu artistikoak:
- Arte Kontzeptuala
- Artelan motak:
- Argazkia
- Aipatutako artistak:
- Kosuth, Joseph
Joseph Kosuth-ek 1967an sortutako Izenburua duena (Artea ideia bezala ideia bezala) obra argazki bat egin zaion eta kartoizko lamina baten gainean ezarri den hiztegi bateko sarrera bat da. Sarrera “ideia” hitzarena da eta hitzaren definizioa eskaintzen digu hiztegian agertzen den bezala.
Hiztegiak honela dio: “Ideia, latinetik hartutako terminoa, era berean idea hitz grekotik hartua, kontzeptu bat, idein hitz grekotik eratorria, ikus...”.
Kosuth artista kontzeptuala da; izan ere, arte kontzeptualaren aitzindarietako bat izan zen, eta berez artelanean baino gehiago, artelanaren atzetik dagoen adimenaren eta hizkuntzaren ideian oinarritzen da. Artistaren funtsezko obra adimenean sortzen dela zioen.
“Artea berez... obran dagoen eta obrari dagokion ideia da soilik”.
Beraz, hiztegiko zati honetatik aukeratutako hitzak lotura zuzena du Kosuthen kezkarekin, hau da, beretzat prozesuaren osagai garrantzitsuena den horrekin. Kosuthek A. J. Ayer eta Ludwig Wittgenstein filosofoen idatzien eragina jaso zuen; filosofo haientzat, lengoaiak esanahia adierazi ez ezik, eraiki ere egiten du.
Hemen gertu Kosuthen beste obra bat ikusteko aukera duzu, paretaren kontra jarriak dauden lau plakaz osatua. Bakoitzak hitz bat du, plaka deskribatuz: “beira”, “argia”, “karratua”, “eutsia”. Objektu bakoitzak lau hitzak adierazten ditu, baina hitzak bereizita daude deskribatzen duten gauzatik. Kosuthek hitzaren eta objektuaren arteko espaziorantz bideratzen du gure arreta.