Pertzepzio aldakorrak: Guggenheim Museoaren Panza Bilduma
Bruce Nauman — Argi berdeko korridorea
Richard Nonas — Muga-gizona
Iruzkinak
Hanne Darboven — 00-99=No 1-2K-20K
- Izenburua:
- Hanne Darboven — 00-99=No 1-2K-20K
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta denbora | Artea eta pertzepzioa | Artea eta zientzia | Sorkuntza artistikoa
- Aipatutako artistak:
- Darboven, Hanne
Kode ulertezin bat diruditen ehun eta berrogei orrialde hauek Municheko Darboven artistaren obra bat osatzen dute.
Obra honetan, egutegian oinarrituta dauden zenbaki guztiak Darboven-ek garatu duen sistema baten bidez sortu dira. Sistema horren barruan, K letrak “Konstruction” edo “Kasten” esan nahi du, hau da, “Kaxa”. Kaxa edo unitate hau metodo baten emaitza da. Metodo horren arabera, Darbovenek data baten digitu bereiziak batzen ditu; hala, hirurogeita bederatziko lehenaren lehena (hau da, mila bederatziehun eta hirurogeita bederatziko urtarrilaren lehena) bat gehi bat gehi sei gehi bederatzi da. Horren baliokidea hamazazpi da, edo, Darbovenek idatzi bezala, “hamazazpi K”.
Sistema hau erabiliz, Darbovenek egun bakar bat, urte bat edo, kasu honetan, mende oso bat irudika dezake —denboraren neurketa garrantzitsua, 60ko eta 70eko hamarkadetan egin zituen obren barruan—, lehenengo urtearen lehenengo egunetik hasi eta azkeneko urteko lehenengo egunean amaituz. Erregistro-ekintza bat da, diario baten antzekoa. Baina horrek guztiak idatzitako zenbakien eta oharren korronte amaigabe bat sortzen du, nolabait ere sistema osoarekin zerikusia duten lerroz, geziz eta bestelako zeinu batzuez etendakoa. Arbitrarioak, obsesiboak, ulertezinak ematen dute. Ikuslea kezkatu egiten dute eta ez dute azalpen bat ere eskaintzen. Denbora keinu hutsal bihurtzen dute, eta denboran egiten ditugun gauza askok ez dutela esanahirik gogorarazten digute. Erritmo eta fluxu jakin bat dute, musikako partitura baten antzera. Mugagabetasun-sentsazioa eragiten dute, amaigabetasun-sentsazioa, bestalde xehetasun eta zehaztasun handiz eginda badaude ere.
Zenbakien sekuentziak ez dira, Darboven-en arabera, ariketa matematiko bat; fikzio bat dira eta bere asmakuntzaren sistema garatzeko jarraitu duen prozesua erregistratu besterik ez dute egiten.
“Zenbakiak erabiltzen baditut deskribatu gabe idazteko modu bat delako da. Ez du batere zerikusirik matematikarekin. Ezertxo ere ez! Zenbakiak aukeratzen baditut, iraunkorrak, mugatuak eta artifizialak direlako da”.