Pertzepzio aldakorrak: Guggenheim Museoaren Panza Bilduma
Carl Andre [10 x 10 Altstadt kobrezko karratua obraren inguruan]
Joseph Kosuth — Izenburua duena (Artea ideia bezala ideia bezala)
Iruzkinak
Carl Andre — Erorketa
- Izenburua:
- Carl Andre — Erorketa
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Heriotza | Artea eta espazioa | Artea eta historia | Eragin artistikoa | Sorkuntza artistikoa | Materiala | Sinbologia | Tamaina
- Aipatutako artistak:
- Andre, Carl
Erorketa izenburua duen obra, Carl Andre artista iparramerikarrarena, hasieran lorategi baterako diseinatu zuen. Andrek adierazi duenez, obra hau Edouard Manet inpresionista frantsesaren pintura batean inspiratua dago: Maximiliano enperadorearen exekuzioa izenburua duen pinturan, Mexikon monarka frantses zorigaiztokoa exekuzio-pelotoi batek hil zueneko gertakaria irudikatzen duena. Altzairuzko hogeita bat xaflak berdin-berdinak eta trukagarriak dira, eta soldaduen ilara anonimoa imitatzen dute. Altzairuzko xaflen formak —L formakoak— baliteke Maneten pinturako soldaduen gorputzek, besoak eta fusilak luzatuta dituztela, osatutako angelua gogora ekartzea. Beraz, obra hau begiratzeko aurrean jartzen zarenean, zeu zara enperadorea exekuzio-pelotoia aurrean duzula, baina desberdintasun batekin, altzairuzko soldadu horiek ahoz gora erori direla eta beren fusilak zerura zuzenduta daudela ematen baitu.
Altzairuzko xaflak giza eskalakoak dira eta zoruan eta paretan zehar luzatzen dira gutxi gorabehera pertsona baten altuerara iritsi arte. Baina altzairuzko xaflen errepikapenak itxuraz amaigabea den luzapen horizontal bat sortzen du, infinituaren ikuspegi bat balitz bezala. Exekuzio-pelotoia aurre-aurrean duzula heriotza iristen zaizun garaian betikotasuna igarriko bazenu bezalakoa da.