Pertzepzio aldakorrak: Guggenheim Museoaren Panza Bilduma
Lawrence Weiner — Behin eta berriz
Sol Lewitt — Horma-irudia 3. zk.
Iruzkinak
Jan Dibbets — Itsasgora
- Izenburua:
- Jan Dibbets — Itsasgora
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta denbora | Artea eta pertzepzioa | Sorkuntza artistikoa | Geometria | Itsas paisaia
- Mugimendu artistikoak:
- Arte Abstraktua
- Artelan motak:
- Argazkia
- Aipatutako artistak:
- Dibbets, Jan
Hamar argazki karratu hauetan lerro bat ikus daiteke hondarrean, gutxinaka itsasgorak estaltzen duena. Argazki hauek Itsasgora izenburua duen Jan Dibbets-en obra osatzen dute.
Dibbetsek eszena bera erakusten digu hamar une desberdinetan, argazki bakoitzaren ordua eta minutua erregistratuz, itsasoak gora egin ahala. Hemen, bere obraren beste alderdi batzuetan bezalaxe, arte tradizionalak eutsi izan duen irudipena jartzen du zalantzan, hain zuzen ere Errenazimenduko obra handietatik hasi eta argazkigintza modernoraino, garaiz atzemandako une bereziaren irudipena, alegia.
Argazkia lehen aldiz begiratzean, hondarrean agertzen den lerroa forma abstraktu bat da, gero eta gehiago murrizten den arren olatuak bere gainetik pasa ahala. Dibbetsek bereizketa bat egiteko erabiltzen du forma horrela, alegia, gure perspektiba-senak hondartzatik luzatzen den lerro bat dela adierazitakoaren eta argazkietan bertikalean zutituta agertzen den lerroaren arteko bereizketa, hasieran erabat erdibituz. Horrela ikusita, argazkiak artelan abstraktuak dira.
Esan daiteke Dibbetsek argazkiak irudikatzen duen horretatik aldentzen duela arreta, hain zuzen ere arreta argazkia egiteko kamera erabiltzen den moduan jartzeko. Obra honetan, kameraren posizio finkoaz jabetzen gara, bai eta hartzeak egin ziren tarteez ere; are gehiago, Dibbets eta bere kamera imajina ditzakegu, olatuak aurrera egin ahala arrastaka. Izan ere, konposizioa osatzen duten elementu abstraktuen geometriaren eta naturaren errealitatearen arteko elkarrizketa sortzen da, argazkiaren saihestezineko gaia.
Obra honetatik gertu Dibbetsen beste bat ikus daiteke 1970eko egunik laburrena nire etxean 6 minuturo argazkia aterata (The Shortest Day of 1970 Photographed in My House Every 6 Minutes), Amsterdam, 1970. Izan ere, horixe baita, hirurogeita hemeretzi argazki zortzi ilaratan jarrita, egunaren uneak elkarren segidan erakutsiz, eguzkia ateratzen denetik sartzen den artea, leihoan argiak indar hartu eta ondoren ahuldu ahala. Obra honen gaia denboraren igarobidea da, leihotik begiratuta dauden ikuspegi aldakorretan antzematen den bezala. Berau zeharkatuz bizi garen moduan, denboraren iraganbidea ikusezina da guretzat, Dibbetsek ordea, atzeman egiten du.