Pertzepzio aldakorrak: Guggenheim Museoaren Panza Bilduma
Jan Dibbets — Itsasgora
Lewitt arte kontzeptualaz hizketan
Iruzkinak
Sol Lewitt — Horma-irudia 3. zk.
- Izenburua:
- Sol Lewitt — Horma-irudia 3. zk.
- Erakusketa:
- Pertzepzio aldakorrak: Guggenheim Museoaren Panza Bilduma
- Gaiak:
- Artea eta espazioa | Sorkuntza artistikoa | Bidimentsionaltasuna | Gainazala | Kolorea | Lan-prozesua | Lerroa | Materiala | Tamaina
- Mugimendu artistikoak:
- Arte Abstraktua | Arte Kontzeptuala
- Teknikak:
- Marrazkia
- Artelan motak:
- Horma-pintura | Instalazioa | Kokapen zehatzerako artea
- Aipatutako artistak:
- LeWitt, Sol
Sol Lewitt-en horma-irudi honek artistak luzatutako ziurtagiri bat dakar, “agindu” abstraktu batekin: marrazkia hemen, galeriako paretaren gainean sortzeko jarraibideak. Baina jarraibide hauek beste batek bete behar ditu. Artistaren laguntzaileek, bertako langileekin batera, luze eta gogor egin dute lan lerro hauek hemen erreproduzitzeko, ziurtagirian deskribatzen diren bezalaxe.
Ziurtagiriaren jarraibideek artistaren ideia, bere kontzeptua hezurmamitzen dute. Esan daiteke ziurtagiria artelan bihurtzen dela, ziurtagirian oinarrituta egindako marrazkia azpiproduktu bat besterik ez den bitartean. Lewittek berak musika-partitura batekin konparatzen du, hau da, beste musikari batzuek interpreta dezakeena.
Lewitten lanak ideia baten eta bere burutzapenaren arteko lotura aztertzen du. Berak dioenez, sarritan ez zekien bere hasierako deskribapenean oinarrituta osatutako obrak izango zuen itxura. Ideia sinple batek batzuetan oso emaitza konplikatuak sortzen ditu, eta alderantziz.
Hona hemen artistak idatzitako zenbait gauza, bere horma-irudiei buruz:
“Ahalik eta bidimentsionalena izango zen artelan bat egin nahi nuen.
Pareten gainean zuzenean lan egiteak eraikuntza bat egitea baino naturalagoa ematen du, bere gainean lan egitea eta ondoren eraikuntza paretaren gainean jartzea baino.
Paretaren ezaugarri fisikoak, altuera, luzera, kolorea, materiala, baldintza arkitektonikoak eta intrusioak, marrazkiek behar duten zati bat dira.
Pareta-mota desberdinek marrazki-mota desberdinak sortzen laguntzen dute.
Paretaren gainazalaren akats batzuk tarteka begien bistakoak izaten dira marrazkia osatu ondoren. Eta akats horiek horma-irudiaren zati izan behar lukete.
Marrazteko gainazal onena eskaiola da, okerrena adreiluak, baina biak erabili dira.
Marrazkia leunago egiten da nolabait, grafito gogorra erabiliz, lerroak ahal den neurrian paretaren gainazalean ikus daitekeen zati bihurtzeko moduan.
Marrazki desberdinek lerro ilunagoak edo argiagoak sortzen dituzte, bai eta batzuk besteengandik gertuago edo urrunago ere. Koherenteak baldin badira, ez dago lehentasunik.
Erabiltzen diren lerro zuzenen lau motak hauexek dira: bertikala, horizontala, ezkerretik eskuinera 45 graduko diagonala eta eskuinetik ezkerrera 45 gradu diagonala.
Horma-irudia instalazio iraunkor bat da, suntsitzen den arte. Zerbait egin den unetik, ezin da desegin”.