L'Art en guerre. Frantzia, 1938-1947: Picasso-tik Dubuffet-era
Sarrera
Gustu ofiziala
Iruzkinak
Historia
- Izenburua:
- Historia
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Historia | Bigarren Mundu Gerra | Nazismoa | Alemania | Frantzia | Paris | Adierazpen-askatasuna | Antisemitismoa | Indarkeria
1938ko Municheko Ituna ez zen nahikoa izan Hitler-en botere-gosea asetzeko. Bigarren Mundu Gerra urte bat geroago piztu zen, irailaren hasieran, hain zuzen. Aste gutxiren buruan, Frantziak Alemaniaren aurkako gudua galdu zuen. Milioika frantses hiritarrek ihes egin zuten. Eta 1940an, bi herrialdeek armistizioa izenpetu zuten. Naziek Paris okupatu zuten; baita Frantziako iparralde nahiz mendebaldeko zonalde bat ere. Hirugarren Reich delakoa jaun eta jabe zen. Frantziarentzat umiliazioa izan zen. Frantziako Errepublika zanpatua zegoen. Nolanahi ere, patua erabakita zegoen Pétain mariskalak gobernu berria ezarri zuenean, Vichy hiriburu zuen “zonalde askea” delakoan. Vichyko erregimena alemanen menpekoa zen. Pétainek “Lana, Familia, Aberria” lema bihurtu zuen, nazien idealen oso hurbilekoa. Vichyko erregimena ere bat zetorren eskuindarren obsesio nazionalistekin. Juduak, komunistak eta franzmasonak sistematikoki jazarri zituzten. Baita beste edonor ere, baldin eta estatuaren etsaitzat jotzen bazuten. Propaganda, jazarpena eta errepresioa eguneroko kontuak ziren. 1942ko azaroan, naziek Vichyko kontrolpean egondako zonaldea inbaditu eta okupatu zuten, eta Frantziaren gaineko nagusitasuna estutu egin zuten. Bien bitartean, izugarrikeriak handitzen ari zirela, erresistentzia antolatzen ari zen.