L'Art en guerre. Frantzia, 1938-1947: Picasso-tik Dubuffet-era
Historia
Maurice de Vlaminck, Paisaia (Chartreseko aldiriak) [Paysage (environs de Chartres)], 1930
Iruzkinak
Gustu ofiziala
- Izenburua:
- Gustu ofiziala
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta identitatea | Artea eta politika | Artea eta emozioa | Erakusketak | Nazismoa | Zentsura | Frantzia | Sentimenduak | Tradizioa | Adierazpen-askatasuna
- Mugimendu artistikoak:
- Arte Abstraktua | Arte Garaikidea | Dadaismoa | Espresionismoa | Fauvismoa | Surrealismoa
1942ko abuztuan, Parisko Nazioko eta Estatuko Arte Modernoko Museoak jendaurrera zabaldu zituzten Palais de Tokyo-ren baitan. Lehen erakusketa horren xedea zen frantsesen neurritasuna eta izaera orekatua gorestea, eta “gustu ofiziala” agertzea. Helburua honako hau zen: Frantziako artearen 50 urteko ikuspegia azaltzeko artelanak erakustea. Antolatzaileek esan zuten arte “tradizionalenena eta independenteena” sartuko zituztela. Alabaina, mugak zeuden artelanak erakusteko orduan. Ez zegoen debekatutako artisten lanik eta arte moderno nagusia baztertu egin zuten. Ez zegoen artelanik gerra-arteko urteetan garatutako joera garrantzitsuak irudikatzeko. Hau da, fauvismoa, dadaismoa, surrealismoa, espresionismoa eta abstrakzioaren beste adibide asko bazter utzi zituzten. Erakusketan ezin zen jarri nazien aurkakoa zen artelanik edo jendearen sufrimendua erakusten zuen deusik. Horren ordez, erakusketa arte frantses hertsiki konbentzionalari eskaini zioten. Erakusgai zeuden lan gehienetan Vichyko erregimenak bultzatzen zuen eredu heroikoa nabarmentzen zen; baita amatasuna, atletikotasuna, erlijio-gaiak eta irudi klasikoak. Nahiz eta museo nazionala izan behar zuen, eta bere baitan arte moderno zein garaikidea hartu, agerian gelditu zen zein diru gutxi zegoen artelan esanguratsuak erosteko.