L'Art en guerre. Frantzia, 1938-1947: Picasso-tik Dubuffet-era
Erbestean, gordelekuetan eta sasian
Alberto Magnelli, Collagea sokatxoaz (Collage à la ficelle), 1942
Iruzkinak
Victor Brauner, Sufrimendua, sufrimendua (Souffrance, souffrance), 1941
- Izenburua:
- Victor Brauner, Sufrimendua, sufrimendua (Souffrance, souffrance), 1941
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta politika | Artea eta emozioa | Sorkuntza artistikoa | Materiala | Bigarren Mundu Gerra | Nazismoa | Frantzia | Paris | André Breton | Peggy Guggenheim | Sentimenduak
- Mugimendu artistikoak:
- Dadaismoa | Surrealismoa
- Artelan motak:
- Pintura (olio-pintura)
- Aipatutako artistak:
- Brauner, Victor | Duchamp, Marcel
Victor Brauner artista judutar errumaniarrak 1941ean margotu zuen lan hau. Marseillan zegoela egin zuen, Frantziatik ateratzeko txartel seguru bat lortzeko zain. Zalantzez beteriko garaia izan zen. Margolanak artistaren aldartea islatzen zuen: deserrotzea eta segurtasunik eza. Olio-pintura liho gainean eman zuen lan hau sortzeko, eta Braunerren barne ekaitza irudikatzen du. Zuhaitz baten erroak hegazti harrapari bihurtu dira. Eta mokotik substantzia more bat dario, gizaki baten buru biribil-biribila inguratzen duena. Aurpegia buruz behera begira dago; ikono bilakatu da: lekualdatua eta bakarrik dago, inguru goibel eta mehatxagarri baten barruan.
Gerra hasi baino lehen, Brauner Parisen bizi izan zen hainbat urtez. Mugimendu dadaista eta surrealistetan parte hartu zuen. Bolada batez, alderdi komunistako kide izan zen. Naziek Paris okupatu zutenean, 1940an, hiritik alde egin zuen. Marseillarako bidea hartu zuen. Bertan, bere lagun batzuekin elkartu zen, horien artean Marcel Duchamp eta André Breton surrealistak zeudela. 1941eko neguan, Braunerrek, Varian Fry-ren eskutik, babeslekua aurkitu zuen Air-Bel herrian. Bolada baterako “mikrogizarte” surrealista sortu zen herri horretan. Peggy Guggenheim-ek finantzatu zuen Braunerren egonaldia bertan. Bere lagunetako askok lortu zuten Frantziatik alde egitea, baina Braunerri ez zioten bisarik eman Estatu Batuetan sartzeko, eta Frantziako Alpe Garaietan ezkutatu behar izan zuen. Braunerrek garai horretan bizi izan zuen bere etsipenik sakonena. Pinturarik edo pintzelik gabe, margotzeko teknika berriak garatu zituen, horien artean argizaria eta fruitu lehorren oskolak erabiltzea; izan ere, horiek ziren eskura zituen material urrietako batzuk. Braunerrentzat artea bere barne-mundurako ihesbidea zen.