L'Art en guerre. Frantzia, 1938-1947: Picasso-tik Dubuffet-era
Maurice de Vlaminck, Paisaia (Chartreseko aldiriak) [Paysage (environs de Chartres)], 1930
Hans Bellmer, Panpina (La Poupée), 1938
Iruzkinak
Surrealistak
- Izenburua:
- Surrealistak
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta politika | Artea eta emozioa | Eragin artistikoa | Sorkuntza artistikoa | Erakusketak | Erbestea | Bigarren Mundu Gerra | Zentsura | Frantzia | Paris | André Breton | Subkontzientzia | Adierazpen-askatasuna | Kontzentrazio-esparrua
- Mugimendu artistikoak:
- Surrealismoa
- Aipatutako artistak:
- Duchamp, Marcel
Surrealismoaren Lehen Nazioarteko Erakustaldia mugimendu horren atzera begirako sakona izan zen. 1938ko urtarrilean zabaldu zen, Parisko Arte Ederren Galerian. Besteak beste, André Breton-ek eta Marcel Duchamp-ek antolatu zuten. Erakusketako giroa artelanen multzoa bezain liluragarria zen. 1938ko Municheko Ituna baino lehen antolatu bazen ere, alegia, Alemaniak Txekoslovakia anexionatu aurretik, gerora gertatutakoaren halako bihozkada ematen du erakusketak. Arte-galeria eszenatoki dramatikozko eta amesgaiztozko bihurtu zuten; zentzumenei egindako erasoa. Aretoak erdi ilunpetan jarri zituzten eta bisitariei zuziak eman zizkieten artelanak ikuskatzeko. Sabaian, mila eta berrehun ikatz-zaku zeuden zintzilik. Airean, kafearen eta zimeldutako loreen usaina zegoen. Naturaz gaindiko manikiak zeuden, baita soinean oilartxo bat zeraman dantzari bat. Oihu histerikoen soinu aztoratzailea entzuten zen. Giro artegagarria, benetan. Lehen Mundu Gerran izandako esperientziak tarteko, surrealistek bazekiten guztia alda zitekeela; mundua, itxurak itxura, noiznahi txiki-txiki eginda gera daitekeela. Bere lanen bidez, artearen eta poesiaren kontzeptu tradizionalak mugara eraman zituzten. Surrealisten energia sortzailea, aurkitutako gauzak eta materialak erabiltzeko abilezia, eta garunaren barne funtzionamenduren esplorazioa inspirazio-iturri izango zituzten Bigarren Mundu Gerran eta ondoren Frantzian lan egin zuten artistek.
1938ko erakusketan parte hartu zuten artista asko ihes egin behar izan zuten. Frantzian bertan ezkutatu zein erbesteratu ziren. Beste batzuk atxilotu eta Frantziako esparruetan preso sartu zituzten.