L'Art en guerre. Frantzia, 1938-1947: Picasso-tik Dubuffet-era
Pablo Picasso, Marie-Thérèse Walter-en erretratua, ukondoa bermatuta (Portrait de Marie-Thérèse Walter accoudée), 1939ko urtarrilaren 7a
Vasily Kandinsky, Hainbat ekintza (Actions variées), 1941eko abuztua-iraila
Iruzkinak
Jeanne Bucher arte-galeria
- Izenburua:
- Jeanne Bucher arte-galeria
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Giza harremanak | Arte-galeriak | Bigarren Mundu Gerra | Nazismoa | Frantzia | Paris | André Breton | Jeanne Bucher
- Aipatutako artistak:
- de Staël, Nicolas | Ernst, Max | Freundlich, Otto | Kandinsky, Vasily
Paris nazien atzaparretan zegoela, eta Vichyko erregimena indarrean, jende gutxi zegoen prest arte modernoa erakusteko, galdutzat, kanpotartzat edota judutzat hartzen baitzuten agintariek. Baina Jeanne Bucher-ek ausardia izan zuen bere gustuko artea erakusteko. 1935ean, arte-galeria bat zabaldu zuen Montparnasse boulevarrean. Kaletik ez zen ataria ikusten, lorategi baten bukaeran baitzegoen, eta etxe txiki bateko bi solairu hartzen zituen. Okupazio-garaian, arte-galeria batek toki diskretu batean egon behar zuen zabalik irauteko; hala autoritatearen radarretik kanpo baitzegoen. Bucherrek oso zuhur jokatu behar izan zuen. Erakusketetarako gonbidapenak bidaltzea ere ezinezkoa zitzaion. Berak bultzatzen zuen artea Alemaniak galdutzat hartzen zuen. Max Ernst eta Otto Freundlich bezalako jendearen lanak. Freundlich Parisen bizi zen artista judua zen. Bucherrek ere Vasily Kandinsky margolari abstraktua ezagutu eta babestu zuen. Eta geroago, Errusiako beste artista abstraktu bati eskainitako lehen erakusketa antolatu zuen, Nicolas de Staël-i, hain zuzen. Jeanne Bucher arte-galeria babesleku garrantzitsua izan zen gerrako urte ilunetan. André Breton surrealistak gutun honetan adierazten duen moduan:
Ez dut astirik izan zuri esateko zer nolako lilura sortu zuten nigan Bucher andrearenean ikusi nituen artelanek. Gu zoriontsu izandako eta zoriontsu izango garen garaien esentziaz daude eginak.
Bestela ere Jeanne Bucherrek bere ausardia erakutsi zuen. Okupazio-garaian, erresistentziari sostengua eman zion, erbesteratuen umeei lagundu zien, lege arrazisten biktimak babestu zituen, eta esparruetan preso zeuden soldadu eta atzerritarrei liburuak eta janaria bidaltzen zizkien.