L'Art en guerre. Frantzia, 1938-1947: Picasso-tik Dubuffet-era
Charles Lapicque, Joana Arc-ekoa Loira zeharkatzen (Jeanne d’Arc traversant la Loire), 1940
Picasso bere estudioan
Iruzkinak
Pierre Bonnard, Bainuontzian biluzik (Nu dans le bain), 1936–38
- Izenburua:
- Pierre Bonnard, Bainuontzian biluzik (Nu dans le bain), 1936–38
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta politika | Artea eta emozioa | Esperimentazio artistikoa | Sorkuntza artistikoa | Argia | Kolorea | Erakusketak | Biluzia | Eszena-generoa | Bigarren Mundu Gerra | Zentsura | Paris
- Artelan motak:
- Pintura
- Aipatutako artistak:
- Bonnard, Pierre
Honako hau Bonnard-ek sortutako margolan-sail baten baitakoa dugu, Marthe bere emaztea bainuontzian etzanda ageri dela. Mihisean, gainazal islatzaileak dira nagusi: ura, azal bustia, baldosak, leihoaren isla eta diamante-itxurako zorua. Bonnardek kolore-sorta liluragarriak kontrastean jarri zituen. Hori distiratsuek, urdin ilunagoek eta moreek emakumearen irudia estaltzen eta bistarazten dute. Bere pinturetan lanean ari zela, Bonnardek mihisearen gainean kolore-geruzak erabiltzen zituen bere sentipenen adierazle. Pinturaren bidez ikertzeko aukera zuen, hala nola, kolorea, pinturaren substantzia fisikoa eta mihiseko irudiei eman ahal zaizkien erritmoak aztertu zituen. Gogoeta formal horiek Bonnarden lana nabarmenarazi zuten, izan ere, bere garaikideak ideia kontzeptualagoak esploratzen ari ziren beren artean.
Gerrako urteetan, Bonnarden lanak ez ziren ia erakusgai jarri, nahiz eta margolan pila bat egiten jarraitu Côte d’Azur-eko bere etxean. Gerra amaitu ondoren, ordea, jendea berriz hasi zen Bonnarden artelan bikainak ikusten eta estimatzen; esaterako, barnealdeen azterlanak, pertsonak etxeko giroan irudikatzen zutenak, eta kolore nahiz argiaren esplorazio bizi-biziak. Gerra amaitu berria zela, bere lanen erakusketa egin zen Parisko Bernheim-Jeune arte-galerian.