L'Art en guerre. Frantzia, 1938-1947: Picasso-tik Dubuffet-era
Alberto Magnelli, Collagea sokatxoaz (Collage à la ficelle), 1942
Joseph Steib, Konkistatzailea (Le Conquérant), 1942
Iruzkinak
Joseph Steib-en Ametsen aretoa
- Izenburua:
- Joseph Steib-en Ametsen aretoa
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta politika | Artea eta umorea | Sorkuntza artistikoa | Bigarren Mundu Gerra | Nazismoa | Frantzia
- Artelan motak:
- Pintura
- Aipatutako artistak:
- Steib, Joseph
Joseph Steib gizon apala zen, ur-horniduran lan egiten zuena, Alsaziako Mullhouse hirian. Osasun txarra zuela eta, 1940ko hamarkadaren hasieran, lana utzi behar izan zuen. Steib artista amateur azkarra zen. Gerra hasi zen arte, modu tradizionalean, naifean, margotu zuen. Eta ez zen ezaguna egingo margolan-sail bat egin izan ez balu. Margolan horiek isilpean egin zituen, 1939tik 1944ra bitartean. Brunstatt aldiriko etxe txikian, sukaldeko pribatutasunean, hain zuzen, tarteko adineko gizon honek bere Ametsen aretoa sortu zuen, alegia, nazi-okupatzaileei burla egiten zien margolan-saila. Bere Areto satirikoak hiru gai nagusi zituen: Lehenik, “Germanizazioaren” jazarpena: Steibek Nazien propaganda satirizatu zuen. Bigarrenik, Hitler zigortzea: artistak amaiera ikaragarria imajinatu zuen diktadorearentzat eta bere erregimenarentzat. Eta hirugarrenik geroko askapena: Frantziako Errepublikaren itzulera goratzen duten irudiak.
Artelan-sail hau margotzeagatik, Steibek beraren bizia eta, baita emaztearena ere, arriskuan jarri zituen. Irudiak isilpean gorde behar izan zituzten, ezkutuan, horma eta altzarien artean, egunkari-paperetan bilduta. Ezin zen txintik ere esan lanon inguruan. Gerra amaitu ondoren baino ez ziren erakutsi. 1946an, Steibek berrogeita hamar pinturatik gora erakutsi zituen Brunstatteko udaletxean. Bizi zela izandako erakusketa bakarra izan zen.