L'Art en guerre. Frantzia, 1938-1947: Picasso-tik Dubuffet-era
Poloniako egile ezezaguna, Titulurik gabea, 1927–32
Iruzkinak
Jacques Villeglé, Burdin hariak – Kortsarioen galtzada, Saint-Malo (Fils de fer – Chaussée des Corsaires, Saint-Malo), 1947ko abuztua
- Izenburua:
- Jacques Villeglé, Burdin hariak – Kortsarioen galtzada, Saint-Malo (Fils de fer – Chaussée des Corsaires, Saint-Malo), 1947ko abuztua
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta espazioa | Sorkuntza artistikoa | Materiala | Mugimendua | Bigarren Mundu Gerra | Nazismoa | Frantzia
- Artelan motak:
- Eskultura
- Aipatutako artistak:
- Villeglé, Jacques
Alanbrezko bi irudi dantza bizian ari dira. Bi forma sinple hauek burdin hariarekin egin zituen Jacques Villeglé artista gazteak. Bretainiako Saint Maloko Atlantikoko hormaren ondotik paseoan zebilela aurkitu zituen. Alanbrezko bi piezen arteko altuena aurkitu zuenean, ohartu zen “alanbrezko pieza hori marrazki bat zela espazioan”. Ez zen besterik egin behar, artelan bat zen bere horretan. Hala ere, portuan aurkitu zuen alanbrezko beste zati trinkoago batekin lotzea erabaki zuen. Biak batera ipini zituenean, iruditu zitzaion maisulan bat egin zuela.
Bigarren Mundu Gerran, Saint Maloko portuan borroka eta hondamendia izan ziren nagusi. Aliatuen inbasioa saihesteko, alemanek gotorleku-sistema bat eraiki zuten mendebaleko kostaldean zehar. Gerraren amaiera, zonalde hori okupazio-garaiko hondakin militarrez betea zegoen. Villeglé ingurumari horietan ibili zen bere gogoko objektuak biltzen: denda-katalogoetako zatiak, apurtutako tresneriaren pusketak eta burdin hariak. Hondakin horiek birziklatzeko moduak ez zuen zer ikusirik gerran emandako erabilerarekin. Berez, Villegléren artelanek okupazioaren oroimena atzean utzi zuten. Frantziako arteari hasiera berri bat ekarri zioten.