L'Art en guerre. Frantzia, 1938-1947: Picasso-tik Dubuffet-era
Jeanne Bucher arte-galeria
Esparruetan eta espetxeetan
Iruzkinak
Vasily Kandinsky, Hainbat ekintza (Actions variées), 1941eko abuztua-iraila
- Izenburua:
- Vasily Kandinsky, Hainbat ekintza (Actions variées), 1941eko abuztua-iraila
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta politika | Artea eta emozioa | Sorkuntza artistikoa | Forma | Erakusketak | Arte-galeriak | Erbestea | Bigarren Mundu Gerra | Nazismoa | Natura | Zentsura | Alemania | Paris | Jeanne Bucher
- Mugimendu artistikoak:
- Arte Abstraktua | Degenerate art
- Artelan motak:
- Pintura
- Aipatutako artistak:
- Kandinsky, Vasily
Jeanne Bucher-ek 1936an erakutsi zuen lehenbiziko aldiz Vasily Kandinsky margolari eta arte-teorialari errusiarraren lana. Margolan hau urte batzuk geroagokoa da. Mihisean, forma biomorfiko bereziak dira nagusi; organismo mikroskopikoak dirudite. Artistaren barne-bizitza irudikatzen dute. Ziur aski Kandinsky izan zen lehenbiziko artistetako bat benetako lan abstraktuak margotzen.
Kandinsky 1930ko hamarkadaren hasieran Alemania utzi eta Parisera joan zen bizitzera. Hirugarren Reicharen agindupean, bere abangoardiako lan abstraktuak ez ziren onargarriak. Baina Frantziara joatea gogorra izan zen beretzat. Bertan ere ez zuten bere pintura abstraktua estimatzen. Bere herrikide errusiarrei ere zaila egiten zitzaien bere lana ulertzea zein onartzea. Kandinsky gizon zaharra zen ordurako. Bere apartamentuko egongela-estudioan lanean, bakarrik eta isolatua sentitzen zen. 1936an pentsatu zuen Alemaniara itzultzea gustatuko litzaiokeela; eta honako hau idatzi zuen: “ia bi urte dira Alemaniara ez noala, eta zergatiak ez du politikarekin zerikusirik, artearekin baizik”. 1938rako, iritzia aldatu zuen. Izan ere, bere harridurarako jakin zuen arte modernoa arrisku bizian zegoela Alemanian, eta galdutzat jotzen zen artea Alemaniako museoetatik kendu zutela. Urte horretan, onespena eman zuen bere lan batzuk maileguan uzteko, Londresen XX. mendeko Alemaniako arteari buruzko erakusketa bat egin zezaten, Alemaniatik erbesteratu ziren artistei eskainia. Kandinskyk itsu-itsuan sinesten zuen artearen askatasunerako eskubidean eta adierazpen artistikoan.