L'Art en guerre. Frantzia, 1938-1947: Picasso-tik Dubuffet-era
Picasso bere estudioan
Pablo Picasso, Marie-Thérèse Walter-en erretratua, ukondoa bermatuta (Portrait de Marie-Thérèse Walter accoudée), 1939ko urtarrilaren 7a
Iruzkinak
Pablo Picasso, Natura hila pitxerrarekin eta burezurrarekin (Nature morte au Pot et au Crâne), 1943ko abuztuaren 15a
- Izenburua:
- Pablo Picasso, Natura hila pitxerrarekin eta burezurrarekin (Nature morte au Pot et au Crâne), 1943ko abuztuaren 15a
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Bizitza | Heriotza | Artea eta politika | Artea eta emozioa | Eragin artistikoa | Sorkuntza artistikoa | Argia | Kolorea | Sinbologia | Natura hila | Bigarren Mundu Gerra | Nazismoa | Paris | Dualtasuna
- Artelan motak:
- Pintura
- Aipatutako artistak:
- Picasso, Pablo | Soutine, Chaïm
Picasso-k behin esan zuen margotzen zituen objektuak bere sentipenei lotuak zeudela. Parabolen modukoak ziren. Horrek pentsarazten du bere lanean atzean esanahi jakin batzuk zeudela. Adibidez, natura hil hau 1943ko abuztuan egin zuen, naziek Paris okupatzen zuten garaian. Pitxer eta burezur bat ageri dira lan bizi-bizi honetan; inguru estuak klaustrofobia irudikatzen du, gerra garaiko hiri okupatu bateko bizimodu latza. Irudiak sinbolismoz beteak daude, natura hil edo vanitasen tradizioari jarraiki. Burezurra dago heriotza irudikatzeko. Ur-pitxerra bizitzaren ikurra da, objektu argitsua, horiz, urdinez, gorriz eta berdez margotua, kontraste bizian burezurrak duen iluntasun beldurgarriaren ondoan. Bizitzaren eta heriotzaren arteko gatazka artistaren gogoeta-gai nagusien artean zegoen. Bere lagun minetako batzuk, Max Jacob poeta barne, naziek erail zituzten. Garai horretan, natura hil ugari margotu zituen. Margolan hau, gainera, Chaïm Soutine bere lagun artista zendu zen hilabete berean amaitu zuen. Picasso haren hiletara joan zen, Montparnasseko hilerrian.