L'Art en guerre. Frantzia, 1938-1947: Picasso-tik Dubuffet-era
Esparruetan eta espetxeetan
Charlotte Salomon
Iruzkinak
Felix Nussbaum, Prisoner (Gefangenenlager / Saint Cyprien), 1940
- Izenburua:
- Felix Nussbaum, Prisoner (Gefangenenlager / Saint Cyprien), 1940
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta emozioa | Sorkuntza artistikoa | Argia | Kolorea | Sinbologia | Erretratua eta autorretratua | Sentimenduak | Kontzentrazio-esparrua
- Artelan motak:
- Pintura
- Aipatutako artistak:
- Nussbaum, Felix
Autorretratu indartsu honetan, Felix Nussbaum-ek begitarte kezkatuarekin begiratzen digu. Haren aurpegiaren erdia itzalean dago. Arropa urratua darama jantzia, eta bere gainean, ekaitz-hodeiak daude. Margolan hau zorigaiztoz eta etsipenez betea dago. Atzean, ezkerrean, gizon bat bat-batean egindako mahai baten gainean dago eseria, burua eskuetan bilduta. Mahaitxoan kandela bat dago. Bizitza amaitzen ari dela irudikatzen du. Eskuinera, bi gizon daude. Bata, tina zikin batean sabela husten ari da. Bestea, zurbil-zurbil eta makurtua dago, eskuetan lastoa duela. Hautsez betetako zoruan, giza-hezurrak daude nonahi. Alanbre arantzadunak eta bi txabola ilun dira esparruaren mugak. Eguneko edozein ordu izan daiteke. Nussbaumek kolore ilunak erabiltzen ditu zerumugan dagoen argitasuna nabarmentzeko – eta margolanaren kutsu goibela eta apoliptikoa indartzeko.