L'Art en guerre. Frantzia, 1938-1947: Picasso-tik Dubuffet-era
Victor Brauner, Sufrimendua, sufrimendua (Souffrance, souffrance), 1941
Joseph Steib-en Ametsen aretoa
Iruzkinak
Alberto Magnelli, Collagea sokatxoaz (Collage à la ficelle), 1942
- Izenburua:
- Alberto Magnelli, Collagea sokatxoaz (Collage à la ficelle), 1942
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta espazioa | Esperimentazio artistikoa | Sorkuntza artistikoa | Geometria | Kolorea | Materiala | Bigarren Mundu Gerra | Nazismoa | Frantzia | Paris | Antisemitismoa | Kontzentrazio-esparrua
- Mugimendu artistikoak:
- Arte Abstraktua
- Teknikak:
- Collage | Gouache
- Aipatutako artistak:
- Arp, Hans | Magnelli, Alberto | Taeuber-Arp, Sophie
Lan honetan, Alberto Magnelli artista italiarrak zenbait material nahastu zituen. Txirikordatutako soka zati bat, breadun papera eta ikatz-papera; itxura abstraktuetako zatiak moztu, gouache zuriz blaitu eta kartoi mehean itsatsi zituen. Ebakinak geometrikoak direnez, itxura hori propio eman ziela ematen du, baina ez da ala, sortzeko modua nahiko ausazkoa da. Atzealdeko zorrotada zuriari esker, badirudi formak espazio amaigabe batean sartzen direla. Eta soka zatia artelanetik ateratzen da benetako espazioan muturra sartzeko.
Nazien inbasioaren ondoren, Magnelli Parisko bere bizilekutik alde egin zuen eta Frantziako hegoaldera, zehazki, Grassera joan zen. Oso kezkatuta geratu zen bere emazte Suzi bolada baterako Gurseko esparruan sartu zutenean, judutar alemana zela egotzita. Jean Arp-ekin, Sophie Taeuber-ekin eta Sonia Delaunay-rekin batera, Magnellik gerrako urteak bere artearekin esperimentatzen eman zituen. Denbora gehiena espazio piktorikoa ikertzen eman zuen. Garestiak ziren pintura eta mihiseak agortzea liberazio modukoa izan zen Magnellirentzat. Izan ere, horri esker adierazpen artistikorako bide berriak jorratu zituen, soka eta alanbrea erabiliz; baita beste produktu manufakturatu merkeak ere. Material horiekin azkar lan egin zezakeen, erritmoa, marra eta itzala esploratzeko. Collageak landu zituen heinean, tindaketa- eta txantiloi-metodoak asmatu zituen, kolore monokromoak eta gouache-pintura erabiliz. Gerrako urteetan, Magnellik bere irudi-lengoaia sortu zuen; eta ondorengo lanetan ere erabiltzen jarraitu zuen.