L'Art en guerre. Frantzia, 1938-1947: Picasso-tik Dubuffet-era
Estutasunaren ondoren
Alexander Calder, Armiarma (Araignée), 1947
Iruzkinak
Henri Matisse, Eseritako dantzaria (Danseuse assise), 1942ko iraila
- Izenburua:
- Henri Matisse, Eseritako dantzaria (Danseuse assise), 1942ko iraila
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta identitatea | Artea eta politika | Eragin artistikoa | Sorkuntza artistikoa | Forma | Kolorea | Lerroa | Erretratua eta autorretratua | Bigarren Mundu Gerra | Nazismoa | Frantzia | Indarkeria | Kontzentrazio-esparrua
- Teknikak:
- Marrazkia
- Artelan motak:
- Pintura
- Aipatutako artistak:
- Matisse, Henri | Rouault, Georges
Matisse-k kurba limurtzaileak eta kolore bizi nahiz distiratsuak erabili zituen eseritako dantzari honen margolana sortzeko. Marra, forma eta kolorea bata bestearen gainean daude jarriak, collage baten itxura du. Matissek hirurogeita hamar urtetik gora zituen lan hau sortu zuenean. Ebakuntza bat egin eta susperraldi baten ondoren, berriro serio margotzen hasi zen, gurpil-aulki batean eserita egiten bazuen ere. Ebakuntzaren ondotik, bolada batean marrazteari heldu zion soil-soilik, ez zen hain teknika nekagarria. Oztopoak oztopo, gerrako urtetan Matissek lanean jarraitu zuen, eta marrazketa, kolore, ebakin eta pinturaren aukerak aztertu zituen. George Rouault bere garaikidearen antzera, adina eta borroka pertsonalak ez ziren oztopo izan sortzen jarrai zezan, bere lanean buru-belarri murgilduta. Matisse apolitikoa bazen ere, bere alaba erresistentziaren kide aktiboa izan zen. Zur eta lur geratu zen jakin zuenean bere alaba torturatu zutela eta kontzentrazio-esparru batera eraman zutela. Zorionez, alaba bizirik atera zen.
Gerran zehar, Matissek bere osotasun artistikoari eutsi zion. Ez zen inoiz makurrarazi nazien edo Vichyko agintarien presioen aurrean, eta bere erara lanean segitu zuen, bere bidea jarraituz. Jarrera horri esker, gerraondoko artista belaunaldi gazteagoaren miresmena lortu zuen.