L'Art en guerre. Frantzia, 1938-1947: Picasso-tik Dubuffet-era
Wols [Alfred Otto Wolfgang Schulze], Esparruko taberna txikia (Le Petit Bar du camp), 1940
Erbestean, gordelekuetan eta sasian
Iruzkinak
Hans Bellmer, Max Ernst Milleseko esparruan (Max Ernst au camp des Milles), 1939
- Izenburua:
- Hans Bellmer, Max Ernst Milleseko esparruan (Max Ernst au camp des Milles), 1939
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta politika | Artea eta emozioa | Sorkuntza artistikoa | Erretratua eta autorretratua | Bigarren Mundu Gerra | Frantzia | Sentimenduak | Adierazpen-askatasuna | Kontzentrazio-esparrua
- Teknikak:
- Frottage | Gouache | Marrazkia
- Aipatutako artistak:
- Bellmer, Hans | Ernst, Max
1940ko neguan, Hans Bellmer Milles izeneko esparruan sartu zuten, Aix-en-Provence ondoko adreilu-lantegi zahar batean, hain zuzen. Jendez betetako gela bat beste aleman batekin partekatu zuen, alegia, Max Erns artista surrealistarekin. Esparrua toki goibela zen. Adreilu hautsa nonahi zegoen; baita jaten zuten janari-apurraren gainean ere. Presoei iruditzen zitzaien beraiek ere adreilu hautsaren aletxo bihurtu zirela. Ernsten erretratu honetan, aurpegia adreiluz eginda dagoela dirudi. Espetxeratzea ekartzen du gogora, esparruaren adreiluzko hormen artean harrapatua egotea, fisikoki nahiz mentalki. Bellmerri zaila egiten zitzaion esparruan preso egondako bost hilabete horietaz mintzatzea. Max Ernstek, ordea, han bizi izan zuena gogora ekarri zuen. Esparrutik bertatik idatzi eta nabarmendu zuen Bellmer pixka bat deprimitua zegoela, baina “pixka bat lanean ari dela, eta hori ez dagoela batere gaizki”. Bai Bellmerrentzat bai Ernstentzat marraztea modu bat zen gosea eta asperduria alde batera uzteko. Sorkuntza bururako ihesbide bihurtu zen. Esparruko agintariak nahiko lasai zeuden jarduera artistiko eta sortzaile horien aurrean. Hala ere, artistek oso material gutxi zuten erabilgarri. Bellmerrek bere lan-moldea egokitu behar izan zuen. Marrazki honetan, konbinazio bat egin zuen: gouachea eta frottagea, alegia, paper gainean igurtzika ibiltzea. Itxuraz oso irudi xinplea badirudi ere, helarazi nahi dituen mezuak sakonak dira.