L'Art en guerre. Frantzia, 1938-1947: Picasso-tik Dubuffet-era
Gustu ofiziala
Surrealistak
Iruzkinak
Maurice de Vlaminck, Paisaia (Chartreseko aldiriak) [Paysage (environs de Chartres)], 1930
- Izenburua:
- Maurice de Vlaminck, Paisaia (Chartreseko aldiriak) [Paysage (environs de Chartres)], 1930
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Artea eta identitatea | Artea eta politika | Sorkuntza artistikoa | Kolorea | Erakusketak | Paisaia | Nazismoa | Alemania | Frantzia
- Mugimendu artistikoak:
- Degenerate art | Fauvismoa
- Artelan motak:
- Pintura
- Aipatutako artistak:
- de Vlaminck, Maurice | Derain, André | Dongen, Kees van
XX. mendearen hasierako urteetan, Maurice de Vlaminck artista adierazgarrienetarikoa zen fauvismoaren barruan. Mugimendu horren ezaugarri nagusia zen bere baitan biltzen ziren artistek kolore biziak erabiltzen zituztela. Baina 1930erako, alegia, margolan hau egin zuenerako, lehengo kolore biziak leundu egin zituen, eta, paleta tradizionalago batera itzuliz, paisaiak margotzeari ekin zion. Pintura hau 1942an, Nazioko Arte Modernoko Museoan, Palais de Tokyon, egin zen irekiera-erakusketaren adierazle dugu. Izan ere, konbentzionala nahiz frantses peto-petoa da. Ordurako, Vlaminck bere ospearen gorenean zegoen, eta modernismoari bizkarra erabat emanda. 1941eko udazkenean, beste artista batzuekin batera (adibidez, Kees Van Dongen eta André Derain), Alemania nazia bisitatzeko gonbitea onartu zuen. Uste zuten bidaia hark frantziar artearen prestigioa bultzatuko zuela. Bisitaldiari onura atera ziotenak, ordea, agintari alemanak izan ziren, propaganda egiteko baliatu baitzituzten. Bidaia oso ongi antolatu zuten, artistak une oro kontrolpean zituztela. Zortzi egunetan, Alemaniako museorik eta galeriarik onenak ikustera eraman zituzten. Hala ere, toki horietatik artelan galdu guztiak kenduta zeuden. Esperientziak Vlamincken bihotza hunkitu zuen.