L'Art en guerre. Frantzia, 1938-1947: Picasso-tik Dubuffet-era
Anartistak
Poloniako egile ezezaguna, Titulurik gabea, 1927–32
Iruzkinak
Jean Dubuffet, Botere-borondatea (Volonté de puissance), 1946ko urtarrila
- Izenburua:
- Jean Dubuffet, Botere-borondatea (Volonté de puissance), 1946ko urtarrila
- Erakusketa:
- L'Art en guerre. Frantzia, 1938-1947: Picasso-tik Dubuffet-era
- Gaiak:
- Giza gorputza | Artea eta emozioa | Artea eta umorea | Eragin artistikoa | Sorkuntza artistikoa | Lan-prozesua | Materiala | Biluzia | Erretratua eta autorretratua | Karikatura | Edertasuna | Nazismoa | Frantzia | Artea eta buruko gaitzak | Tradizioa
- Mugimendu artistikoak:
- Art Brut
- Artelan motak:
- Pintura
- Aipatutako artistak:
- Dubuffet, Jean
Gizon biluzi baten irudi barregarria da nagusi Botere-borondatea lanean. Gizona zutik dagoela, ikuspegia beldurgarria da: gorputz mardula du, zakartasun ausarta, kristal zatiak begitzat eta harrizko hortzak txertatuta. Horrek guztiak itxura mehatxagarria ematen dio. Baina aldi berean, bere jarrera erasokor hori leundu egiten da zutik egoteko moduagatik. Eskuak bizkarraren atzean ditu. Lanaren izenburua nazien ideologian nagusi den gai batez ari da. Karikatura honen bidez, Dubuffetek iseka egiten die faxisten asmo autoritarioei eta gizonen perfekzio fisikoaren ereduari.
Dubuffetek bere margotzeko estiloari Art Brut deitzen zion, alegia, arte gordina. Ordura arte Frantziako tradizioan margolari batengandik espero zitekeenaren kontrakoa zen, guztiz. Bere inspirazioa kaleko artea eta buruko gaixotasunak zituztenek egindako artea izan ziren. Dubuffet oldartu egin zen greziarrengandik jasotako eta aldizkarietan agertu ohi zen edertasun kanonaren kontra: nazien eta Vichyko gobernuaren propagandak zabaltzen zituen irudi-motak, hain zuzen. Gogoko zuen aurkitutako objektu eta materialak erabiltzea, haien egitura eta formengatik. Margolanen gainazalean, pintura-geruzak eta barreiatutako harea jartzen zituen, eta sardexka baten puntak erabilita, arrastoak egin. Dubuffetek mendebaldeko estetika arbuiatzen zuen. Bere ustez, axola zuena energia, berezkotasuna eta norbere buruarekin zintzo izatea zen.