Giorgio Armani
Traje zuria, P93.39
Txaketa koadro txikiduna, A98.28
Iruzkinak
Armanik zinemarako duen grina handia
- Izenburua:
- Armanik zinemarako duen grina handia
- Erakusketa:
- Giorgio Armani
- Gaiak:
- Artea eta moda | Eragin artistikoa | Ibilbide artistikoa | Zinema
- Aipatutako artistak:
- Armani, Giorgio
Armani-k aspalditik du zinemarako eta antzerkirako grina. Haurtzaroan, zortzi urte besterik ez zituela Piacenzako antzoki txikiaren bastidoreen artean ezkutatzen uzten zion aitona Ludovicok, antzoki hartarako lan egiten baitzuen ilordeak egiten. Hauxe da Armaniren oroimena: “Izugarri gustatzen zitzaidan bertan egotea. Zoratu egiten ninduen eszenatokiko usainak”.
Antzerkiaz gain, Armani gazteak berehala sentitu zuen zinemarako zaletasuna, batez ere Luchino Viscontiren 1942ko Ossessione filma ikusi zuenean, errealismo xume eta latzari eta sentsualitate sakonari egindako omenaldi bat izanik; eta Roberto Rosellini zuzendari neorrealistaren obrak ere liluratuta utzi zuen. Milanen bizi zela, zinemara joan ohi zen pelikula amerikarrak ikustera. Film haietan gorri eta zuri koloreko alkandora koadrodunez jantzitako gizonkoteak agertzen ziren, eta horrek berea ez bezalako mundu batera eramaten zuen. Gogoan du horrelako alkandorak Italian bilatzen saiatu zela, arrakasta handirik gabe ordea: “Trattorietako mahai-ohialen bila ari nintzela esan ohi zidan mundu guztiak”.