Giorgio Armani
Armanik zinemarako duen grina handia
Armaniren diseinuaren prozesua
Iruzkinak
Txaketa koadro txikiduna, A98.28
- Izenburua:
- Txaketa koadro txikiduna, A98.28
- Erakusketa:
- Giorgio Armani
- Gaiak:
- Artea eta moda | Sorkuntza artistikoa | Forma | Lan-prozesua | Jantzi-diseinua
- Artelan motak:
- Diseinu-jantzia
- Aipatutako artistak:
- Armani, Giorgio
Ezaguna da Armani-k txaketetan aplikatzen duen lerro eta molde arteko jokoa. Txaketa honetan, zehazki, begiratu ondo papar-hegalaren lerroaren asimetria; papar-hegal tradizional bat destolestu eta zabaldu balu bezalaxe. Lepo txikiak mao-lepoa duten txaketak gogorarazten dizkigu. Papar-hegalaren ertza osatzen duen ehuna soinean zehar luzatzen da, eta Japoniako kimono baten azpildura gogorarazten digu nolabait ere. Franca Sozzanik, Italiako Vogue aldizkariaren zuzendariak, diseinatzaileak txaketaren inguruan egiten duen etengabeko azterketaz hitz egiten digu:
“Jantzi hau behin eta berriro aztertu eta berritzen du denboraldi bakoitzean: albo batean lotzen da, aldeetatik oihala zintzilik geratzen da, bularraldean lotzen da, bizkarraldetik gurutzatzen da, asimetrikoki edo leporaino lotzen da, edo papar-hegalak igotzen dira mao-lepoa duen txaketa baten itxura izateko. Batzuetan ez da lotzen eta azpian ezkutatzen duen gauza bakarra zapi bat da. Gerriraino moztuta nahiz aldaketaraino luzatuta agertzen da, zaldiz ibiltzeko mendearen hasierako txaketen erara. Txaketari ia ez zaio kutsu maskulinorik antzematen eta behin eta berriro diseinatu, proportzioz aldatu eta mila modutan erabiltzen du”.